೪. ಞಾಣಕಥಾವಣ್ಣನಾ

೬೧೪-೬೧೫. ‘‘ಅನ್ಧಕಾ’’ತಿ ವುತ್ತಾ ಪುಬ್ಬಸೇಲಿಯಅಪರಸೇಲಿಯರಾಜಗಿರಿಕಸಿದ್ಧತ್ಥಿಕಾಪಿ ಯೇಭುಯ್ಯೇನ ಮಹಾಸಙ್ಘಿಕಾ ಏವಾತಿ ವುತ್ತಂ ‘‘ಪುಬ್ಬೇ…ಪೇ… ಭವೇಯ್ಯು’’ನ್ತಿ. ತತ್ಥ ಅಞ್ಞೇತಿ ವಚನಂ ದ್ವಿನ್ನಂ ಕಥಾನಂ ಉಜುವಿಪಚ್ಚನೀಕಭಾವತೋ. ಪುರಿಮಕಾನಞ್ಹಿ ಚಕ್ಖುವಿಞ್ಞಾಣಾದಿಸಮಙ್ಗೀ ‘‘ಞಾಣೀ’’ತಿ ವುಚ್ಚತಿ, ಇಮೇಸಂ ಸೋ ಏವ ‘‘ಞಾಣೀ’’ತಿ ನ ವತ್ತಬ್ಬೋತಿ ವುತ್ತೋ. ರಾಗವಿಗಮೋ ರಾಗಸ್ಸ ಸಮುಚ್ಛಿನ್ದನಂ, ತಥಾ ಅಞ್ಞಾಣವಿಗಮೋ. ಯಥಾ ಸಮುಚ್ಛಿನ್ನಾವಿಜ್ಜೋ ‘‘ಞಾಣೀ’’ತಿ, ಪಟಿಪಕ್ಖತೋ ‘‘ಅಞ್ಞಾಣೀ’’ತಿ, ಏವಂ ಅಸಮುಚ್ಛಿನ್ನಾವಿಜ್ಜೋ ‘‘ಅಞ್ಞಾಣೀ’’ತಿ, ಪಟಿಪಕ್ಖತೋ ‘‘ಞಾಣೀ’’ತಿ ವುತ್ತೋ. ಅಞ್ಞಾಣಸ್ಸ ವಿಗತತ್ತಾ ಸೋ ‘‘ಞಾಣೀ’’ತಿ ವತ್ತಬ್ಬತಂ ಆಪಜ್ಜತಿ, ನ ಪನ ಸತತಂ ಸಮಿತಂ ಞಾಣಸ್ಸ ಪವತ್ತನತೋತಿ ಅಧಿಪ್ಪಾಯೋ.

ಞಾಣಕಥಾವಣ್ಣನಾ ನಿಟ್ಠಿತಾ.