೩. ರೂಪಂಸಾರಮ್ಮಣನ್ತಿಕಥಾವಣ್ಣನಾ

೫೫೨-೫೫೩. ‘‘ತದಪ್ಪತಿಟ್ಠಂ ಅನಾರಮ್ಮಣ’’ನ್ತಿಆದೀಸು ಪಚ್ಚಯತ್ಥೋ ಆರಮ್ಮಣ-ಸದ್ದೋ. ‘‘ರೂಪಾಯತನಂ ಚಕ್ಖುವಿಞ್ಞಾಣಧಾತುಯಾ ತಂಸಮ್ಪಯುತ್ತಕಾನಞ್ಚ ಧಮ್ಮಾನಂ ಆರಮ್ಮಣಪಚ್ಚಯೇನ ಪಚ್ಚಯೋ’’ತಿಆದೀಸು ಓಲುಬ್ಭಟ್ಠೋತಿ ಆಹ ‘‘ಪಚ್ಚಯಟ್ಠೋ ಓಲುಬ್ಭಟ್ಠೋ’’ತಿ. ಏವಂ ವಿಭಾಗೇ ವಿಜ್ಜಮಾನೇತಿ ತತ್ಥ ಪಚ್ಚಯಾಯತ್ತವುತ್ತಿತಾ ಪಚ್ಚಯಟ್ಠೋ, ದಣ್ಡರಜ್ಜುಆದಿ ವಿಯ ದುಬ್ಬಲಸ್ಸ ಚಿತ್ತಚೇತಸಿಕಾನಂ ಆಲಮ್ಬಿತಬ್ಬತಾಯ ಉಪತ್ಥಮ್ಭನಟ್ಠೋ ಓಲುಬ್ಭಟ್ಠೋ. ವಿಸೇಸಾಭಾವಂ ಪಚ್ಚಯಭಾವಸಾಮಞ್ಞೇನ ಕಪ್ಪೇತ್ವಾ ವಾ.

ರೂಪಂಸಾರಮ್ಮಣನ್ತಿಕಥಾವಣ್ಣನಾ ನಿಟ್ಠಿತಾ.