೧. ಆನಿಸಂಸದಸ್ಸಾವೀಕಥಾವಣ್ಣನಾ

೫೪೭. ದಟ್ಠಬ್ಬಸ್ಸ ಆದೀನವತೋ ಆನಿಸಂಸತೋ ಚ ಯದಿಪಿ ಪರವಾದಿನಾ ಪಚ್ಛಾ ನಾನಾಚಿತ್ತವಸೇನ ಪಟಿಞ್ಞಾತಂ, ಪುಬ್ಬೇ ಪನ ಏಕತೋ ಕತ್ವಾ ಪಟಿಜಾನಿ, ನ ಚ ತಂ ಲದ್ಧಿಂ ಪರಿಚ್ಚಜಿ. ತೇನಸ್ಸ ಅಧಿಪ್ಪಾಯಮದ್ದನಂ ಯುತ್ತನ್ತಿ ದಟ್ಠಬ್ಬಂ. ತೇನೇವಾಹ ‘‘ಅನಿಚ್ಚ…ಪೇ… ಪಟಿಞ್ಞಾತತ್ತಾ’’ತಿ. ಆರಮ್ಮಣವಸೇನಾತಿ ಆರಮ್ಮಣಕರಣವಸೇನ, ನ ಕಿಚ್ಚನಿಪ್ಫತ್ತಿವಸೇನಾತಿ ಅಧಿಪ್ಪಾಯೋ. ಇದಂ ಆನಿಸಂಸಕಥಾನುಯುಞ್ಜನಂ ಆನಿಸಂಸದಸ್ಸನಞ್ಚ. ಞಾಣಂ ವಿಪಸ್ಸನಾ ಪಟಿವೇಧಞಾಣಸ್ಸ ವಿಯ ಅನುಬೋಧಞಾಣಸ್ಸಪಿ ಯಥಾರಹಂ ಪವತ್ತಿನಿವತ್ತೀಸು ಕಿಚ್ಚಕರಣಂ ಯುತ್ತನ್ತಿ ಅಧಿಪ್ಪಾಯೋ.

ಆನಿಸಂಸದಸ್ಸಾವೀಕಥಾವಣ್ಣನಾ ನಿಟ್ಠಿತಾ.