ಖನ್ಧಕಪುಚ್ಛಾವಾರೋ

ಪುಚ್ಛಾವಿಸ್ಸಜ್ಜನಾವಣ್ಣನಾ

೩೨೦. ನಿದಾನೇನ ಚ ನಿದ್ದೇಸೇನ ಚ ಸದ್ಧಿನ್ತಿ ಏತ್ಥ ನಿದಾನೇನಾತಿ ಸಿಕ್ಖಾಪದಪಞ್ಞತ್ತಿದೇಸಸಙ್ಖಾತೇನ ನಿದಾನೇನ. ನಿದ್ದೇಸೇನಾತಿ ಪುಗ್ಗಲಾದಿನಿದ್ದೇಸೇನ. ಉಭಯೇನಪಿ ತಸ್ಸ ತಸ್ಸ ಸಿಕ್ಖಾಪದಸ್ಸ ವತ್ಥು ದಸ್ಸಿತಂ, ತಸ್ಮಾ ವತ್ಥುನಾ ಸದ್ಧಿಂ ಖನ್ಧಕಂ ಪುಚ್ಛಿಸ್ಸಾಮೀತಿ ಅಯಮೇತ್ಥ ಅತ್ಥೋ. ತತ್ಥಾತಿ ತಸ್ಮಿಂ ಉಪಸಮ್ಪದಕ್ಖನ್ಧಕೇ. ಉತ್ತಮಾನಿ ಪದಾನಿ ವುತ್ತಾನೀತಿ ‘‘ನ, ಭಿಕ್ಖವೇ, ಊನವೀಸತಿವಸ್ಸೋ ಪುಗ್ಗಲೋ ಉಪಸಮ್ಪಾದೇತಬ್ಬೋ’’ತಿಆದಿನಾ (ಮಹಾವ. ೯೯, ೧೨೪) ನಯೇನ ಉತ್ತಮಪದಾನಿ ವುತ್ತಾನಿ. ಚಮ್ಮಸಂಯುತ್ತೇತಿ ಚಮ್ಮಕ್ಖನ್ಧಕೇ.