ವಿನಯವಿನಿಚ್ಛಯೋ

ಗನ್ಥಾರಮ್ಭಕಥಾ

೧. ವನ್ದಿತ್ವಾ ಸಿರಸಾ ಸೇಟ್ಠಂ, ಬುದ್ಧಮಪ್ಪಟಿಪುಗ್ಗಲಂ;

ಭವಾಭಾವಕರಂ ಧಮ್ಮಂ, ಗಣಞ್ಚೇವ ನಿರಙ್ಗಣಂ.

೨. ಭಿಕ್ಖೂನಂ ಭಿಕ್ಖುನೀನಞ್ಚ, ಹಿತತ್ಥಾಯ ಸಮಾಹಿತೋ;

ಪವಕ್ಖಾಮಿ ಸಮಾಸೇನ, ವಿನಯಸ್ಸವಿನಿಚ್ಛಯಂ.

೩. ಅನಾಕುಲಮಸಂಕಿಣ್ಣಂ, ಮಧುರತ್ಥಪದಕ್ಕಮಂ;

ಪಟುಭಾವಕರಂ ಏತಂ, ಪರಮಂ ವಿನಯಕ್ಕಮೇ.

೪. ಅಪಾರಂ ಓತರನ್ತಾನಂ, ಸಾರಂ ವಿನಯಸಾಗರಂ;

ಭಿಕ್ಖೂನಂ ಭಿಕ್ಖುನೀನಞ್ಚ, ನಾವಾಭೂತಂ ಮನೋರಮಂ.

೫. ತಸ್ಮಾ ವಿನಯನೂಪಾಯಂ, ವಿನಯಸ್ಸವಿನಿಚ್ಛಯಂ;

ಅವಿಕ್ಖಿತ್ತೇನ ಚಿತ್ತೇನ, ವದತೋ ಮೇ ನಿಬೋಧಥ.