೮. ಉಪಸ್ಸುತಿಸಿಕ್ಖಾಪದವಣ್ಣನಾ

೪೭೧. ಅಟ್ಠಮೇ ಸುಯ್ಯತೀತಿ ಸುತಿ, ವಚನಂ. ತಸ್ಸಾ ಸಮೀಪಂ ಉಪಸ್ಸುತಿ. ಸುಯ್ಯತಿ ಏತ್ಥಾತಿ ಸುತೀತಿ ಏವಞ್ಹಿ ಅತ್ಥೇ ಗಯ್ಹಮಾನೇ ಸವನಟ್ಠಾನಸಮೀಪೇ ಅಞ್ಞಸ್ಮಿಂ ಅಸ್ಸವನಟ್ಠಾನೇ ತಿಟ್ಠತೀತಿ ಆಪಜ್ಜತಿ. ಅಟ್ಠಕಥಾಯಞ್ಚ ಉಪಸ್ಸುತಿ-ಸದ್ದಸ್ಸೇವ ಅತ್ಥಂ ದಸ್ಸೇತುಂ ‘‘ಯತ್ಥ ಠತ್ವಾ’’ತಿಆದಿ ವುತ್ತಂ, ನ ಸುತಿ-ಸದ್ದಮತ್ತಸ್ಸ.

೪೭೩. ಏಕಪರಿಚ್ಛೇದಾನೀತಿ ಕದಾಚಿ ಅಕಿರಿಯತೋ, ಕದಾಚಿ ಕಿರಿಯತೋ ಸಮುಟ್ಠಾನಸಾಮಞ್ಞೇನ ವುತ್ತಂ. ಉಪಸಮ್ಪನ್ನೇನ ಚೋದನಾಧಿಪ್ಪಾಯೋ, ಸವನನ್ತಿ ದ್ವೇ ಅಙ್ಗಾನಿ.

ಉಪಸ್ಸುತಿಸಿಕ್ಖಾಪದವಣ್ಣನಾ ನಿಟ್ಠಿತಾ.