೧೦. ಆಪಣಸುತ್ತವಣ್ಣನಾ

೫೨೦. ಉಪರಿ ಸಹ ವಿಪಸ್ಸನಾಯ ತಯೋ ಮಗ್ಗಾತಿ ವಿಪಸ್ಸನಾಯ ಸಹ ಸೋತಾಪತ್ತಿಫಲತೋ ಉಪರಿ ತಯೋ ಮಗ್ಗಾ. ಮಗ್ಗಾಧಿಗಮೇನ ಇದಾನಿ ಪಚ್ಚಕ್ಖಭೂತತ್ತಾ ‘‘ಇಮೇ ಖೋ ತೇ ಧಮ್ಮಾ’’ತಿ ವುತ್ತಾ. ತತ್ಥ ಯಂ ಅಗ್ಗಭೂತಂ, ತಸ್ಸ ವಸೇನ ದಸ್ಸೇತುಂ ‘‘ಅರಹತ್ತಫಲಿನ್ದ್ರಿಯಂ ನಾಮಾ’’ತಿ ವುತ್ತಂ ಇನ್ದ್ರಿಯಭಾವಸಾಮಞ್ಞೇನ ಏಕಜ್ಝಂ ಕತ್ವಾ. ಅತಿವಿಜ್ಝಿತ್ವಾ ಪಸ್ಸಾಮೀತಿ ಸಚ್ಛಿಕತ್ವಾ ಯಾಥಾವತೋ ಪಸ್ಸಾಮಿ. ಚತೂಹಿ ಇನ್ದ್ರಿಯೇಹೀತಿ ವೀರಿಯಿನ್ದ್ರಿಯಾದೀಹಿ ಚತೂಹಿ ಇನ್ದ್ರಿಯೇಹಿ. ಸಾ ವಿಪಸ್ಸನಾಮಗ್ಗಫಲಸಹಗತಾ ಸಿಯಾತಿ ಮಿಸ್ಸಕಾ ವುತ್ತಾ.

ಜರಾವಗ್ಗವಣ್ಣನಾ ನಿಟ್ಠಿತಾ.