೬. ಪಠಮವಿಭಙ್ಗಸುತ್ತವಣ್ಣನಾ

೫೦೬. ಕಾಯಿಕನ್ತಿ ಅಯಮಸ್ಸ ನಿಸ್ಸಯವಸೇನ ನಿದ್ದೇಸೋತಿ ಆಹ – ‘‘ಕಾಯಪಸಾದವತ್ಥುಕ’’ನ್ತಿ. ಸರೂಪನಿದ್ದೇಸೋ ಸುಖಂ ಸುಖಿನ್ದ್ರಿಯಸ್ಸ ಸರೂಪನ್ತಿ. ಸಾದನೀಯಟ್ಠೇನ ಧಮ್ಮಪದಾನಿ ಅತ್ತನಿ ಅಸ್ಸಾದಯತೀತಿ ಸಾತಂ, ಮಧುರಂ. ವೇದಯಿತನ್ತಿ ವೇದಿಯನಂ, ಅನುಭವನನ್ತಿ ಅತ್ಥೋ. ಅಞ್ಞಧಮ್ಮವಿಸಿಟ್ಠೋತಿ ಫಸ್ಸಾದೀಹಿ ಅಞ್ಞೇಹಿ ಧಮ್ಮೇಹಿ ವಿಸದಿಸೋ. ಕಾಯಿಕನ್ತಿ ಪಸಾದಕಾಯಸನ್ನಿಸ್ಸಿತಂ. ಚೇತಸಿಕನ್ತಿ ಚೇತೋಸನ್ನಿಸ್ಸಿತಂ, ತೇನ ವುತ್ತಂ ‘‘ಏತ್ಥ ಪನಾ’’ತಿಆದಿ. ಕಾಯಪಸಾದ…ಪೇ… ನತ್ಥಿ, ತಸ್ಮಾ ‘‘ಚತ್ತಾರೋ ಪಸಾದಕಾಯೇ ವತ್ಥುಂ ಕತ್ವಾ’’ತಿ ವುತ್ತಂ.