೩. ಭಿಕ್ಖುಸುತ್ತವಣ್ಣನಾ

೩೬೯. ಯಸ್ಮಾ ಸೋ ಭಿಕ್ಖು ‘‘ದೇಸೇತು ಮೇ, ಭನ್ತೇ, ಭಗವಾ ಸಂಖಿತ್ತೇನ ಧಮ್ಮ’’ನ್ತಿ ಸಂಖಿತ್ತೇನ ಧಮ್ಮದೇಸನಂ ಯಾಚಿ, ತಸ್ಸ ಸಂಖಿತ್ತರುಚಿಭಾವತೋ, ತಸ್ಮಾ ಸಂಖಿತ್ತೇನೇವ ಧಮ್ಮಂ ದೇಸೇತುಕಾಮೋ ಭಗವಾ ‘‘ತಸ್ಮಾತಿಹಾ’’ತಿಆದಿಮಾಹಾತಿ ವುತ್ತಂ – ‘‘ಯಸ್ಮಾ ಸಂಖಿತ್ತೇನ ದೇಸನಂ ಯಾಚಸಿ, ತಸ್ಮಾ’’ತಿ. ಕಮ್ಮಸ್ಸಕತಾದಿಟ್ಠಿಕಸ್ಸೇವ ಲೋಕಿಯಲೋಕುತ್ತರಗುಣವಿಸೇಸಾ ಇಜ್ಝನ್ತಿ, ನ ದಿಟ್ಠಿವಿಪನ್ನಸ್ಸ, ತಸ್ಮಾ ವುತ್ತಂ ‘‘ದಿಟ್ಠೀತಿ ಕಮ್ಮಸ್ಸಕತಾದಿಟ್ಠೀ’’ತಿ.