೧. ಸಮಾಧಿಸುತ್ತವಣ್ಣನಾ

೧೦೭೧. ಚಿತ್ತೇಕಗ್ಗತಾಯಾತಿ ನಿಸ್ಸಕ್ಕವಚನಂ ‘‘ಪರಿಹಾಯನ್ತೀ’’ತಿ ಪದಂ ಅಪೇಕ್ಖಿತ್ವಾ. ಯಥಾಭೂತಾದಿವಸೇನಾತಿ ಯಥಾಗತಾದಿವಸೇನ. ಯಥಾಭೂತಂ ನಾಮ ಇಮಸ್ಮಿಂ ಸುತ್ತೇ ‘‘ಸಮಾಹಿತೋ, ಭಿಕ್ಖವೇ, ಭಿಕ್ಖು ಯಥಾಭೂತಂ ಪಜಾನಾತೀ’’ತಿಆದಿ. ಆದಿ-ಸದ್ದೇನ ‘‘ತಥಾ ಯಸ್ಮಾ’’ತಿಆದಿಸಙ್ಗಹೋ ದಟ್ಠಬ್ಬೋ. ತಥಾ ಹಿ ಯಥಾಭೂತವಸೇನ ಕಾರಣಚ್ಛೇದೋ ಕತೋ ‘‘ತಥಾ ಯಸ್ಮಾ’’ತಿಆದಿವಚನೇಹಿ. ವಣ್ಣಾತಿ ಅಕ್ಖರಾ, ‘‘ಗುಣಾ’’ತಿ ಕೇಚಿ. ಪದಬ್ಯಞ್ಜನಾನೀತಿ ನಾಮಾದಿಪದಾನಿ ಚೇವ ತಂಸಮುದಾಯಭೂತಬ್ಯಞ್ಜನಾನಿ ಚ.