೬. ಅರಿಟ್ಠಸುತ್ತವಣ್ಣನಾ

೯೮೨. ನೋ-ಸದ್ದೋ ಪುಚ್ಛಾಯಂ, ತಸ್ಮಾ ನೂತಿ ಇಮಿನಾ ಸಮಾನತ್ಥೋತಿ ಆಹ ‘‘ಭಾವೇಥ ನೂ’’ತಿ. ಕಾಮಚ್ಛನ್ದೋತಿ ವತ್ಥುಕಾಮೇಸು ಇಚ್ಛಾತಿ ಆಹ ‘‘ಪಞ್ಚಕಾಮಗುಣಿಕರಾಗೋ’’ತಿ. ದ್ವಾದಸಸು ಆಯತನಧಮ್ಮೇಸು ಸಪರಸನ್ತತಿಪರಿಯಾಪನ್ನೇಸು. ಇಮಿನಾ ಕಾಮಚ್ಛನ್ದಪ್ಪಹಾನಕಿತ್ತನೇನ ಪಟಿಘಸಞ್ಞಾಪಟಿವಿನಯಕಿತ್ತನೇನ ಚ ಅನಾಗಾಮಿಮಗ್ಗಂ ಕಥೇತಿ ಪಞ್ಚೋರಮ್ಭಾಗಿಯಸಞ್ಞೋಜನಸಮುಚ್ಛೇದಸ್ಸ ಬ್ಯಾಕತತ್ತಾ. ವಿಪಸ್ಸನಂ ದಸ್ಸೇನ್ತೋತಿ ‘‘ವಿಪಸ್ಸನಂ ಅನುಯುಞ್ಜಥಾ’’ತಿ ದಸ್ಸೇನ್ತೋ.