೩. ಸಾರಿಪುತ್ತಸುತ್ತವಣ್ಣನಾ

೩. ಸಾವಕಬೋಧಿ ಸಾವಕಪಾರಮಿಯೋ, ತಪ್ಪರಿಯಾಪನ್ನಂ ಞಾಣಂ ಸಾವಕಪಾರಮಿಞಾಣಂ, ತಂ ಪನ ದ್ವಿನ್ನಂ ಅಗ್ಗಸಾವಕಾನಂ ತತ್ಥಪಿ ಧಮ್ಮಸೇನಾಪತಿನೋ ಏವ ಸವಿಸೇಸಂ ಮತ್ಥಕಂ ಪತ್ತಂ, ನ ಇತರೇಸನ್ತಿ ಆಹ – ‘‘ಸಾವಕ…ಪೇ… ಅಪ್ಪತ್ತತಾಯಾ’’ತಿ. ತಸ್ಮಾ ತಸ್ಸ ಮತ್ಥಕಪ್ಪತ್ತಿಯಾ ಮಗ್ಗಬ್ರಹ್ಮಚರಿಯೇ ಇಜ್ಝನ್ತೇ ತಸ್ಸ ಏಕದೇಸೋ ಇಧ ಇಜ್ಝತಿ, ನ ಸಕಲನ್ತಿ. ನ ಹಿ ಅದ್ಧಬ್ರಹ್ಮಚರಿಯಂ ನಾಮ ಅತ್ಥಿ, ತಸ್ಮಾ ವುತ್ತಂ, ‘‘ಸಕಲಮ್ಪಿ …ಪೇ… ಲಬ್ಭತೀ’’ತಿ, ತಂ ಪನ ಭಣ್ಡಾಗಾರಿಕೋ ನಾಞ್ಞಾಸಿ ಞಾಣಸ್ಸ ಸಾವಕವಿಸಯೇಪಿ ಸಪ್ಪದೇಸಿಕತ್ತಾ, ಧಮ್ಮಸೇನಾಪತಿ ಪನ ಞಾಣಸ್ಸ ತತ್ಥ ನಿಪ್ಪದೇಸಿಕತ್ತಾ ಅಞ್ಞಾಸೀತಿ. ತೇನಾಹ – ‘‘ಆನನ್ದತ್ಥೇರೋ…ಪೇ… ಅಞ್ಞಾಸೀ’’ತಿ. ಏವಮಾಹಾತಿ ‘‘ಸಕಲಮಿದಂ, ಭನ್ತೇ’’ತಿ ಏವಂ ಅವೋಚ.

ಸಾರಿಪುತ್ತಸುತ್ತವಣ್ಣನಾ ನಿಟ್ಠಿತಾ.