೬. ಅಸಿಬನ್ಧಕಪುತ್ತಸುತ್ತವಣ್ಣನಾ

೩೫೮. ಪಚ್ಛಾಭೂಮಿವಾಸಿನೋತಿ ಅಪರದೇಸವಾಸಿನೋ. ಉದಕಸುದ್ಧಿಕಭಾವಜಾನನತ್ಥಾಯಾತಿ ಅತ್ತನೋ ಉದಕಸುದ್ಧಿಕಭಾವಂ ಜಾನನತ್ಥಞ್ಚೇವ ಲೋಕಸ್ಸ ಚ ಉದಕೇನ ಸುದ್ಧಿ ಹೋತೀತಿ ಇಮಸ್ಸ ಅತ್ಥಸ್ಸ ಜಾನನತ್ಥಞ್ಚ. ಉಪರಿ ಯಾಪೇನ್ತೀತಿ ಉಪರಿ ಬ್ರಹ್ಮಲೋಕಂ ಯಾಪೇನ್ತಿ. ಸಮ್ಮಾ ಞಾಪೇನ್ತೀತಿ ಸಮ್ಮಾ ಉಜುಕಂಯೇವ ಸಗ್ಗಂ ಲೋಕಂ ಗಮೇನ್ತಿ. ತೇನಾಹ – ‘‘ಸಗ್ಗಂ ನಾಮ ಓಕ್ಕಾಮೇನ್ತೀ’’ತಿ, ಅವಕ್ಕಾಮೇನ್ತಿ ಓಗಾಹಾಪೇನ್ತೀತಿ ಅತ್ಥೋ. ಅನುಪರಿಗಚ್ಛೇಯ್ಯಾತಿ ಅನುಪರಿತೋ ಗಚ್ಛೇಯ್ಯ.

ಅಸಿಬನ್ಧಕಪುತ್ತಸುತ್ತವಣ್ಣನಾ ನಿಟ್ಠಿತಾ.