೧೧. ಭದ್ರಕಸುತ್ತವಣ್ಣನಾ

೩೬೩. ಏವಂನಾಮಕೇತಿ ಮಲ್ಲಾ ನಾಮ ಜಾನಪದಿನೋ ರಾಜಕುಮಾರಾ, ನೇಸಂ ನಿವಾಸತಾಯ ‘‘ಮಲ್ಲಾ’’ಇಚ್ಚೇವ ಬಹುವಚನವಸೇನ ಲದ್ಧನಾಮತ್ತಾ ಏವಂನಾಮಕೇ ಜನಪದೇ. ನತ್ಥಿ ಏತಸ್ಸ ಪತ್ತಿಯಾ ಕಾಲನ್ತರಸಞ್ಞಿತೋ ಕಾಲೋತಿ ಅಕಾಲೋ, ಸೋ ಏವ ಅಕಾಲಿಕೋ. ತೇನಾಹ – ‘‘ಕಾಲಂ ಅನತಿಕ್ಕಮಿತ್ವಾ ಪತ್ತೇನಾ’’ತಿ. ಸೋ ಪನ ‘‘ಯಂಕಿಞ್ಚಿ ದುಕ್ಖಂ ಉಪ್ಪಜ್ಜಮಾನಂ ಉಪ್ಪಜ್ಜತಿ, ಸಬ್ಬಂ ತಂ ಛನ್ದಮೂಲಕ’’ನ್ತಿ ಏವಂ ವುತ್ತೋ ದುಕ್ಖಸ್ಸ ಛನ್ದಮೂಲಭಾವೋ, ಏವಂ ಛನ್ದಮೂಲಕಸ್ಸ ದುಕ್ಖಸ್ಸ ಕಥಿತತ್ತಾ ‘‘ಇಮಸ್ಮಿಂ ಸುತ್ತೇ ವಟ್ಟದುಕ್ಖಂ ಕಥಿತ’’ನ್ತಿ ವುತ್ತಂ.

ಭದ್ರಕಸುತ್ತವಣ್ಣನಾ ನಿಟ್ಠಿತಾ.