೫. ಪಠಮಕಾಮಭೂಸುತ್ತವಣ್ಣನಾ

೩೪೭. ಏಲಂ ವುಚ್ಚತಿ ದೋಸೋ, ತಂ ಏತಸ್ಸ ನತ್ಥೀತಿ ನೇಲಂ, ತಂ ಅಙ್ಗಂ ಏತಸ್ಸಾತಿ ನೇಲಙ್ಗೋ, ಸುವಿಸುದ್ಧಸೀಲಗುಣೋ. ತೇನಾಹ ‘‘ನೇಲಙ್ಗನ್ತಿ ಖೋ, ಭನ್ತೇ, ಸೀಲಾನಮೇತಂ ಅಧಿವಚನ’’ನ್ತಿ. ಅಟ್ಠಕಥಾಯಂ ಪನ ದೋಸಾಭಾವಮೇವ ದಸ್ಸೇತುಂ ‘‘ನೇಲಙ್ಗೋತಿ ನಿದ್ದೋಸೋ’’ತಿ ವುತ್ತಂ. ಏತಂ ಭಿಕ್ಖುಂ ಆಗಚ್ಛನ್ತನ್ತಿ ಮಹಾಕಪ್ಪಿನತ್ಥೇರಂ ಸನ್ಧಾಯ ವುತ್ತಂ. ಅತ್ತನೋ ದಿಟ್ಠೇನ ಕಥೇಸೀತಿ ಅತ್ತನೋ ಸಬ್ಬಞ್ಞುತಞ್ಞಾಣೇನ ಪಚ್ಚಕ್ಖತೋ ಉಪಲಕ್ಖಿತೇನ ಅತ್ಥೇನ ಕಥೇಸಿ. ಅಯಂ ಪನ ನಯಗ್ಗಾಹೇನಾತಿ ಅಯಂ ಪನ ಗಹಪತಿ ಅಸುತ್ವಾ ಕೇವಲಂ ನಯಗ್ಗಾಹೇನ ಆಹ.

ಪಠಮಕಾಮಭೂಸುತ್ತವಣ್ಣನಾ ನಿಟ್ಠಿತಾ.