೧೦. ಗಿಲಾನದಸ್ಸನಸುತ್ತವಣ್ಣನಾ

೩೫೨. ಮತ್ತರಾಜಾ ನಾಮ ಏಕೋ ಭುಮ್ಮದೇವೋ ಭೂತಾಧಿಪತಿ ಸುರಾಪೋತಲರುಕ್ಖನಿವಾಸೀ. ತೇನ ವುತ್ತಂ ‘‘ಮತ್ತರಾಜಕಾಲೇ’’ತಿ. ‘‘ಓಸಧಿತಿಣವನಪ್ಪತೀಸೂ’’ತಿ ವತ್ವಾ ತೇ ಯಥಾಕ್ಕಮಂ ದಸ್ಸೇನ್ತೋ ‘‘ಹರೀತಕಾ…ಪೇ… ರುಕ್ಖೇಸು ಚಾ’’ತಿ ಆಹ. ಪತ್ಥನಾವಸೇನ ಚಿತ್ತಂ ಠಪೇಹಿ. ಸಮಿಜ್ಝಿಸ್ಸತೀತಿ ಯಥಾಧಿಪ್ಪಾಯಂ ಸಮಿಜ್ಝಿಸ್ಸತಿ. ತೇನ ಹೀತಿ ಯಸ್ಮಾ ತಂ ದೇವಾಪಿ ಆಸನ್ನಮರಣಂ ಮಞ್ಞನ್ತಿ, ತಸ್ಮಾ ಸಾ ವರಮೇವ ಭವಿಸ್ಸತಿ, ತಂ ತುಮ್ಹಾಕಂ ದೀಘರತ್ತಂ ಹಿತಾಯ ಸುಖಾಯ ಭವಿಸ್ಸತೀತಿ ಅಧಿಪ್ಪಾಯೋ.

ಗಿಲಾನದಸ್ಸನಸುತ್ತವಣ್ಣನಾ ನಿಟ್ಠಿತಾ.

ಚಿತ್ತಸಂಯುತ್ತವಣ್ಣನಾ ನಿಟ್ಠಿತಾ.