೧-೨. ಮಾತುಗಾಮಸುತ್ತಾದಿವಣ್ಣನಾ

೨೮೦-೨೮೧. ಅಗುಣಙ್ಗೇಹೀತಿ ಅಗುಣಕೋಟ್ಠಾಸೇಹಿ. ರೂಪಯತೀತಿ ರೂಪಂ, ಸರೀರರೂಪಂ. ಸರೀರರೂಪಂ ಪಾಸಂಸಂ ಏತಸ್ಸ ಅತ್ಥೀತಿ ರೂಪವಾ, ತಪ್ಪಟಿಕ್ಖೇಪೇನ ನ ಚ ರೂಪವಾ, ಸಮ್ಪನ್ನರೂಪೋ ನ ಹೋತೀತಿ ಅತ್ಥೋ. ಞಾತಿಕುಲತೋ ಅಞ್ಞತೋ ವಾ ಆಗತಾಯ ಭೋಗಸಮ್ಪದಾಯ ಅಭಾವೇನ ನ ಭೋಗಸಮ್ಪನ್ನೋ. ದುಸ್ಸೀಲೋತಿ ನಿಸ್ಸೀಲೋ. ನಿಸ್ಸೀಲತಾಯ ಏವ ಚಸ್ಸಾ ಪುಬ್ಬುಟ್ಠಾಯಿತಾದಿಆಚಾರಾಭಾವೋ ವುತ್ತೋ. ಆಲಸಿಯೋತಿ ಆಲಸಿಯತಾಯ ಯುತ್ತೋ. ಪಜಞ್ಚಸ್ಸ ನ ಲಭತೀತಿ ಪಜಾಭಾವಸೀಸೇನ ತಸ್ಸಾ ಪರಿವಾರಹಾನಿ ವುತ್ತಾ. ಪರಿವತ್ತೇತಬ್ಬನ್ತಿ ಪುರಿಸವಸೇನ ಪರಿವತ್ತೇತಬ್ಬಂ.

ಮಾತುಗಾಮಸುತ್ತಾದಿವಣ್ಣನಾ ನಿಟ್ಠಿತಾ.