೭. ಉಪಸೇನಆಸೀವಿಸಸುತ್ತವಣ್ಣನಾ

೬೯. ಗಹೇತ್ವಾತಿ ಪಾರುಪನಸ್ಸ ಸಿಥಿಲಕರಣೇನ ವೀಮಂಸತೋ ಮೋಚೇತ್ವಾ. ಲೇಣಚ್ಛಾಯಾಯಾತಿ ಪುರಿಮದಿಸಾಯ ಲೇಣಚ್ಛಾಯಾಯಂ. ಪತಿತ್ವಾತಿ ಲೇಣಚ್ಛದನತೋ ಭಸ್ಸಿತ್ವಾ. ಫುಟ್ಠವಿಸೋತಿ ಚತೂಸು ಆಸೀವಿಸೇಸು ಸೋ ಫುಟ್ಠವಿಸೋ. ತೇನಾಹ ‘‘ತಸ್ಮಾ’’ತಿಆದಿ. ಪರಿಯಾದಿಯಮಾನಮೇವಾತಿ ಖೇಪೇನ್ತಮೇವ, ವಿನಾಸೇನ್ತಮೇವಾತಿ ಅತ್ಥೋ. ಯಥಾಪರಿಚ್ಛೇದೇನಾತಿ ಅತ್ತನೋ ವಿಸಪರಿಚ್ಛೇದಾನುರೂಪಂ. ಅಞ್ಞಥಾಭಾವನ್ತಿ ವಡ್ಢಭಾವಾದಿಪಕತಿಜಹನಂ. ಸಭಾವವಿಗಮೋತಿ ವಿನಾಸೋ.

ಉಪಸೇನಆಸೀವಿಸಸುತ್ತವಣ್ಣನಾ ನಿಟ್ಠಿತಾ.