೧೧-೧೮. ಅನ್ತವಾಸುತ್ತಾದಿವಣ್ಣನಾ

೨೧೬-೨೨೩. ಏಕತೋ ವಡ್ಢಿತನಿಮಿತ್ತನ್ತಿ ಏಕಪಸ್ಸೇನ ವಡ್ಢಿತಂ ಕಸಿಣನಿಮಿತ್ತಂ. ಗಾಹೇನಾತಿ ಲಾಭೀ ಝಾನಚಕ್ಖುನಾ ಪಸ್ಸಿತ್ವಾ ಗಹಣೇನ. ತಕ್ಕೇನಾತಿ ನ ಲಾಭೀ ತಕ್ಕಮತ್ತೇನ. ಉಪ್ಪನ್ನದಿಟ್ಠೀತಿ ‘‘ಲೋಕೋ’’ತಿ ಉಪ್ಪನ್ನದಿಟ್ಠಿ. ಸಬ್ಬತೋ ವಡ್ಢಿತನ್ತಿ ಸಮನ್ತತೋ ಅಪ್ಪಮಾಣಕಸಿಣನಿಮಿತ್ತಂ. ಏಕಮೇವಾತಿ ‘‘ಏಕಮೇವ ವತ್ಥೂ’’ತಿ ಉಪ್ಪನ್ನದಿಟ್ಠಿ. ಅಟ್ಠಾರಸ ವೇಯ್ಯಾಕರಣಾನೀತಿ ವೇಯ್ಯಾಕರಣಲಕ್ಖಣಪ್ಪತ್ತಾನಿ ಅಟ್ಠಾರಸ ಸುತ್ತಾನಿ. ಏಕಂ ಗಮನನ್ತಿ ಏಕಂ ವೇಯ್ಯಾಕರಣಗಮನಂ.

ಅನ್ತವಾಸುತ್ತಾದಿವಣ್ಣನಾ ನಿಟ್ಠಿತಾ.