೩-೪. ಕುಮ್ಮಸುತ್ತಾದಿವಣ್ಣನಾ

೧೫೯-೧೬೦. ಅಟ್ಠಿಕಚ್ಛಪಾ ವುಚ್ಚನ್ತಿ ಯೇಸಂ ಕಪಾಲಮತ್ಥಕೇ ತಿಖಿಣಾ ಅಟ್ಠಿಕೋಟಿ ಹೋತಿ, ತೇಸಂ ಸಮೂಹೋ ಅಟ್ಠಿಕಚ್ಛಪಕುಲಂ. ಮಚ್ಛಕಚ್ಛಪಾದೀನಂ ಸರೀರೇ ಲಮ್ಬನ್ತೀ ಪಪತತೀತಿ ಪಪತಾ, ವುಚ್ಚಮಾನಾಕಾರೋ ಅಯಕಣ್ಟಕೋ. ಅಯಕೋಸಕೇತಿ ಅಯೋಮಯಕೋಸಕೇ. ಕಣ್ಣಿಕಸಲ್ಲಸಣ್ಠಾನೋತಿ ಅತ್ತನಿಕಾಪನಸಲ್ಲಸಣ್ಠಾನೋ. ಅಯಕಣ್ಟಕೋತಿ ಅಯೋಮಯವಙ್ಕಕಣ್ಟಕೋ. ನಿಕ್ಖಮತಿ ಏತ್ಥ ಅಥಾವರತೋ. ಪವೇಸಿತಮತ್ತೋ ಹಿ ಸೋ. ಇದಾನಿ ತ್ವಂ ‘‘ಅಮ್ಹಾಕ’’ನ್ತಿ ನ ವತ್ತಬ್ಬೋ. ಇತೋ ಅನನ್ತರಸುತ್ತೇತಿ ಚತುತ್ಥಸುತ್ತಮಾಹ.

ಕುಮ್ಮಸುತ್ತಾದಿವಣ್ಣನಾ ನಿಟ್ಠಿತಾ.