೭. ನಾಗದತ್ತಸುತ್ತವಣ್ಣನಾ

೨೨೭. ಅತಿಕಾಲೇನಾತಿ ಅತಿವಿಯ ಪುಬ್ಬಣ್ಹಕಾಲೇನ, ಕಾಲಸ್ಸೇವಾತಿ ಅತ್ಥೋ. ಕೋಟಿಸಮ್ಮುಞ್ಜನಿಯಾತಿ ಸಮ್ಮುಞ್ಜನಿಕೋಟಿಯಾ, ಸಮ್ಮುಞ್ಜನಿಯಾ ಏಕದೇಸೇನೇವಾತಿ ಅತ್ಥೋ. ಇಮಿನಾ ಸಮ್ಮಜ್ಜನೇ ಅಮನಾಪಕಾರಿತಂ ದಸ್ಸೇತಿ. ಮಜ್ಝನ್ಹಿಕೇ ವೀತಿವತ್ತೇತಿ ಗಿಹಿಸಂಸಗ್ಗವಸೇನ ಕಾಲಂ ವೀತಿನಾಮೇನ್ತೋ ಮಜ್ಝನ್ಹೇ ಬಹುವೀತಿವತ್ತೇ. ಅಞ್ಞೇಹಿ ಭಿಕ್ಖೂಹೀತಿ ನಾತಿಕಾಲಂ ಪವಿಟ್ಠೇಹಿ. ನಿಸ್ಸಕ್ಕವಚನಞ್ಚೇತಂ. ಭಾಯಾಮಿ ನಾಗದತ್ತನ್ತಿ ತಸ್ಸ ಪಟಿಪತ್ತಿಂ ಭಾಯಿತಬ್ಬಂ ಕತ್ವಾ ದೇವತಾ ವದನ್ತೀ ಪಟಿಪತ್ತಿಯಂ ನಿಯೋಜೇತಿ. ಸುಪ್ಪಗಬ್ಭನ್ತಿ ಕಾಯಪಾಗಬ್ಬಿಯಾದೀಹಿ ಅತಿವಿಯ ಸಮನ್ನಾಗತಂ.

ನಾಗದತ್ತಸುತ್ತವಣ್ಣನಾ ನಿಟ್ಠಿತಾ.