೫. ಮಾನತ್ಥದ್ಧಸುತ್ತವಣ್ಣನಾ

೨೦೧. ಮಾನೇನ ಥದ್ಧೋತಿ ‘‘ಅಯಂ ಖೋ’’ತಿಆದಿನಾ ಪಗ್ಗಹಿತೇನ ಮಾನೇನ ಥದ್ಧೋ ಬಜ್ಝಿತಚಿತ್ತೋ ಥದ್ಧಅಯೋಸಲಾಕೋ ವಿಯ ಕಸ್ಸಚಿಪಿ ಅನೋನತೋ. ನ ಕಿಞ್ಚಿ ಜಾನಾತಿ ಲೋಕೇ ಪಟಿಸನ್ಥಾರಮತ್ತಸ್ಸಪಿ ಅಜಾನನತೋ.

ಅಬ್ಭುತವಿತ್ತಜಾತಾತಿ ಸಞ್ಜಾತಅಬ್ಭುತವಿತ್ತಾ. ವಿತ್ತಂ ವಿತ್ತೀತಿ ಚ ತುಟ್ಠಿಪರಿಯಾಯಾ. ಅಭೂತಪುಬ್ಬಾಯಾತಿ ಯಾ ತಸ್ಸಾ ಪರಿಸಾಯ ವಿತ್ತಿ ತದಾ ಭೂತಾ, ಸಾ ಇತೋ ಪುಬ್ಬೇ ಅಭೂತಾ. ತೇನಾಹ ‘‘ಅಭೂತ…ಪೇ… ಸಮನ್ನಾಗತಾ’’ತಿ. ಅಸ್ಸ ಪುಗ್ಗಲಸ್ಸಾತಿ ಅನೇನ ಪುಗ್ಗಲೇನ. ಅಪಚಿತಾತಿ ಪರಮನಿಪಚ್ಚೇನ ಪೂಜನೀಯಸಾಮಞ್ಞತೋ ತತ್ಥ ಅತ್ತನೋ ಪಕ್ಖಿಪನಂ ಇಧ ದೇಸನಾಕೋಸಲ್ಲಂ.

ಮಾನತ್ಥದ್ಧಸುತ್ತವಣ್ಣನಾ ನಿಟ್ಠಿತಾ.