೫. ದುತಿಯಸಙ್ಗಾಮಸುತ್ತವಣ್ಣನಾ

೧೨೬. ಸುಣಾಥಾತಿ ‘‘ವತ್ವಾ’’ತಿ ವಚನಸೇಸೋ. ಉಪಕಪ್ಪತೀತಿ ಸಮ್ಭವತಿ. ಸಯ್ಹಂ ಹೋತೀತಿ ಕಾತುಂ ಸಕ್ಕಾ ಹೋತಿ. ‘‘ಯದಾ ಚಞ್ಞೇ’’ತಿ ಚ-ಕಾರೋ ನಿಪಾತಮತ್ತನ್ತಿ ಆಹ ‘‘ಯದಾ ಅಞ್ಞೇ’’ತಿ. ವಿಲುಮ್ಪನ್ತೀತಿ ವಿನಾಸಂ ಅಚ್ಛಿನ್ದನಂ ಕರೋನ್ತಿ. ವಿಲುಮ್ಪೀಯತೀತಿ ವಿಲುತ್ತಪರಸನ್ತಕಸ್ಸ ಅಸಕತ್ತಾ ಪುಗ್ಗಲೋ ದಿಟ್ಠಧಮ್ಮಿಕಂ ಕಮ್ಮಫಲಂ ಪಟಿಸಂವೇದೇನ್ತೋ ವಿಯ ಸಯಮ್ಪಿ ಪರೇನ ವಿಲುಮ್ಪೀಯತಿ, ಧನಜಾನಿಂ ಪಾಪುಣಾತಿ. ‘‘ಕಾರಣ’’ನ್ತಿ ಹಿ ಮಞ್ಞತೀತಿ ಪಾಪಕಿರಿಯಂ ಅತ್ತನೋ ಹಿತಾವಹಂ ಕಾರಣಂ ಕತ್ವಾ ಮಞ್ಞತಿ. ಜಯನ್ತೋ ಪುಗ್ಗಲೋ ‘‘ಇದಂ ನಾಮ ಜಿನಾಮೀ’’ತಿ ಮಞ್ಞಮಾನೋ ಸಯಮ್ಪಿ ತತೋ ಪರಾಜಯಂ ಪಾಪುಣಾತಿ. ಘಟ್ಟೇತಾರನ್ತಿ ಪಾಪಕಮ್ಮವಿಪಾಕಂ. ಕಮ್ಮವಿವಟ್ಟೇನಾತಿ ಕಮ್ಮಸ್ಸ ವಿವಟ್ಟನೇನ, ಪಚ್ಚಯಲಾಭೇನ ಲದ್ಧಾವಸರೇನ ವಿವಟ್ಟೇತ್ವಾ ವಿಗಮಿತೇನ ಕಮ್ಮೇನಾತಿ ಅತ್ಥೋ.

ದುತಿಯಸಙ್ಗಾಮಸುತ್ತವಣ್ಣನಾ ನಿಟ್ಠಿತಾ.