೩. ಸಮ್ಬರಿಮಾಯಾಸುತ್ತವಣ್ಣನಾ

೨೬೯. ಆಬಾಧಿಕೋತಿ ಆಬಾಧೋ ಅಸ್ಸ ಅತ್ಥೀತಿ ಆಬಾಧಿಕೋ. ವಾಚೇಸೀತಿ ಸಿಕ್ಖಾಪೇಸಿ. ಸಮ್ಬರೋ ನಾಮ ಅಸುರಮಾಯಾಯ ಆದಿಪುರಿಸೋ ಪುರಾತನೋ ಅಸುರಿನ್ದೋ. ತಂ ಸನ್ಧಾಯಾಹ ‘‘ಯಥಾ ಸಮ್ಬರೋ’’ತಿಆದಿ. ಏವಂ ಪಚ್ಚತಿ ಅಞ್ಞೋಪಿ ಮಾಯಾವೀ ಮಾಯಂ ಪಯೋಜೇತ್ವಾ. ಉಪವಾದನ್ತರಾಯೋ ನಾಮ ಖಮಾಪನೇ ಸತಿ ವಿಗಚ್ಛತಿ, ಪಾಕತಿಕಮೇವ ಹೋತೀತಿ ಆಹ ‘‘ಏವಮಸ್ಸ ಫಾಸು ಭವೇಯ್ಯಾ’’ತಿ. ತೇನಾತಿ ವೇಪಚಿತ್ತಿನಾ ಸಮ್ಬರವಿಜ್ಜಾಯ ಅದಾನೇನ ವಞ್ಚಿತತ್ತಾ. ತಥಾ ಅಕತ್ವಾತಿ ಇಸೀನಂ ಸನ್ತಿಕಂ ನೇತ್ವಾ ಖಮಾಪನವಸೇನ ಕಾತಬ್ಬಂ ಅಕತ್ವಾ.

ಸಮ್ಬರಿಮಾಯಾಸುತ್ತವಣ್ಣನಾ ನಿಟ್ಠಿತಾ.