೨. ಸಕ್ಕನಾಮಸುತ್ತವಣ್ಣನಾ

೨೫೮. ಮನುಸ್ಸಭೂತೋತಿ ಮನುಸ್ಸೇಸು ಭೂತೋ, ಮನುಸ್ಸತ್ತಂ ವಾ ಪತ್ತೋ. ಆವಸಥನ್ತಿ ನಿವಾಸಟ್ಠಾನಂ ಕಾರೇತ್ವಾ ಅದಾಸಿ, ತಸ್ಮಾ ವಾಸಂ ಅದಾಸೀತಿ ವಾಸವೋ. ಅತ್ಥ-ಸದ್ದೋ ಇಧ ಕಾರಣಪರಿಯಾಯೋತಿ ಆಹ ‘‘ಸಹಸ್ಸಮ್ಪಿ ಕಾರಣಾನ’’ನ್ತಿ. ಸ್ವಾಯಮತ್ಥೋ ಹೇಟ್ಠಾ ವಿಭಾವಿತೋವ. ವಿನಿಚ್ಛಿನತಿ, ತಸ್ಮಾ ಸಹಸ್ಸಂ ಪಞ್ಞಾಅಕ್ಖೀನಿ ಏತಸ್ಸಾತಿ ಸಹಸ್ಸಕ್ಖೋ. ಮಘಂ ವುಚ್ಚತಿ ಧನಂ, ತಂ ಪನ ಸದ್ಧಾಸಙ್ಖಾತಂ ಮಘಂ ಅಸ್ಸ ಅತ್ಥೀತಿ ಮಘವಾ. ಪುರೇ ದಾನಂ ದದಾತೀತಿ ಪುರಿನ್ದದೋ ಅನುನಾಸಿಕಲೋಪಂ ಅಕತ್ವಾ. ಪುಞ್ಞಾನಿ ಕಾತುಂ ಸಕ್ಕೋತೀತಿ ಸಕ್ಕೋ.

ಸಕ್ಕನಾಮಸುತ್ತವಣ್ಣನಾ ನಿಟ್ಠಿತಾ.