೩. ಮಹಾಲಿಸುತ್ತವಣ್ಣನಾ

೨೫೯. ಸೋತಿ ಸಕ್ಕೋ ದೇವರಾಜಾ. ಬಹುವಚನೇ ವತ್ತಬ್ಬೇ ಏಕವಚನಂ ವುತ್ತಂ. ವುಚ್ಚತೀತಿ ವಚನಂ, ಅತ್ಥೋ. ತಸ್ಮಾ ಬಹುವಚನೇತಿ ಬಹುಮ್ಹಿ ಅತ್ಥೇತಿ ಅತ್ಥೋ. ಯಥಾ ಪಟಿಪಜ್ಜನ್ತೋ ಅನುಕ್ಕಮೇನ ತೇ ಧಮ್ಮೇ ಸಮಾದಿಯಿತ್ವಾ ಸಕ್ಕೋ ಸಕ್ಕತ್ತಂ ಅಜ್ಝಗಾ, ತಂ ಪಟಿಪತ್ತಿಂ ದಸ್ಸೇತುಂ ‘‘ಸಕ್ಕೋ ಕಿರಾ’’ತಿಆದಿ ವುತ್ತಂ. ಅನನ್ತರೇತಿ ಸಕ್ಕಭಾವಸ್ಸ ಅತೀತಾನನ್ತರೇ ಅತ್ತಭಾವೇ. ತಂ ಸಬ್ಬನ್ತಿ ಸಕ್ಕಸ್ಸ ಮಘಮಾಣವಕಾಲೇ ಸಮ್ಮಾಪಟಿಪತ್ತಿಂ, ತಾಯ ಸಕ್ಕಭಾವೂಪಗಮನಞ್ಚಾತಿ ತಂ ಸಬ್ಬಂ. ವುತ್ತೋ, ತಸ್ಮಾ ತತ್ಥ ವುತ್ತನಯೇನೇವ ವೇದಿತಬ್ಬೋತಿ ಅಧಿಪ್ಪಾಯೋ.

ಮಹಾಲಿಸುತ್ತವಣ್ಣನಾ ನಿಟ್ಠಿತಾ.