೬. ಕುಲಾವಕಸುತ್ತವಣ್ಣನಾ

೨೫೨. ರಥಸದ್ದೋತಿ ರಥಾಲಙ್ಕಾರಭೂತಾನಂ ಕಿಙ್ಕಿಣಿಕಜಾಲಾದೀನಂ ಸದ್ದೋ. ತಥಾ ಧಜಸದ್ದೋ. ಆಜಾನೀಯಸದ್ದೋತಿ ಆಜಾನೀಯಾನಂ ಹಸಿತಸದ್ದೋ ಚ. ಕರುಣಾಸಮಾವಜ್ಜಿತಹದಯೋತಿ ಪಾಣಾನಂ ಅನುಪರೋಧೇನ ಪಣಾಮಿತಚಿತ್ತೋ. ಈಸಾಮುಖೇನಾತಿ ರಥಕಪ್ಪರಮುಖೇನ. ಪುಞ್ಞಪಚ್ಚಯನಿಬ್ಬತ್ತೋತಿ ಉಳಾರಂ ಸುವಿಪುಲಂ ಪುಞ್ಞಂ ಪಚ್ಚಯಂ ಕತ್ವಾ ನಿಬ್ಬತ್ತೋ. ನ ಸಜ್ಜತಿ ಕತ್ಥಚಿ ಅಪ್ಪಟಿಘಟ್ಟನೇನ ಗಚ್ಛನ್ತೋ. ಸಿಮ್ಬಲಿವನೇನಾತಿ ಸಿಮ್ಬಲಿವನಮಜ್ಝೇನ. ವಿಭಗ್ಗಂ ನಿಮ್ಮಥಿತನ್ತಿ ಇತೋ ಚಿತೋ ವಿಭಗ್ಗಞ್ಚೇವ ನಿರವಸೇಸತೋ ಮಥಿತಞ್ಚ ಹೋತಿ.

ಕುಲಾವಕಸುತ್ತವಣ್ಣನಾ ನಿಟ್ಠಿತಾ.