೭. ಉಡ್ಡಿತಸುತ್ತವಣ್ಣನಾ

೬೭. ಉಲ್ಲಙ್ಘಿತೋತಿ ಉಬ್ಬನ್ಧಿತ್ವಾ ಲಙ್ಘಿತೋ. ಸದ್ದಾದೀಸೂತಿ ಸದ್ದಾದಿನಾಗದನ್ತೇಸು ಸೋತಾದೀನಿ ಉಡ್ಡಿತಾನಿ ತಣ್ಹಾರಜ್ಜುನಾ ದಳ್ಹಬನ್ಧನೇನ ಬದ್ಧತ್ತಾ ತದನತಿವತ್ತನತೋ. ಲೋಕೋತಿ ಆಯತನಲೋಕೋ. ತಥಾ ಅತ್ಥಯೋಜನಾಯ ಕತತ್ತಾ ಖನ್ಧಾದಿಲೋಕವಸೇನಪಿ ಯೋಜನಾ ಕಾತಬ್ಬಾ. ನ ದೂರಂ ಅನನ್ತರಭವಕತ್ತಾ. ಚುತಿಚಿತ್ತಅನ್ತರಿತತ್ತಾ ಏಕಚಿತ್ತನ್ತರಭವಸ್ಸ ಕಮ್ಮಸ್ಸ ಅಬುಜ್ಝನಂ, ಏವಂ ಸನ್ತೇ ಕಸ್ಮಾ ಸತ್ತಾ ನ ಬುಜ್ಝನ್ತೀತಿ ಆಹ ‘‘ಬಲವತಿಯಾ’’ತಿಆದಿ.

ಉಡ್ಡಿತಸುತ್ತವಣ್ಣನಾ ನಿಟ್ಠಿತಾ.