೧. ನಾಮಸುತ್ತವಣ್ಣನಾ

೬೧. ನಾಮನ್ತಿ ಸಾಮಞ್ಞನಾಮಾದಿಭೇದಂ ನಾಮಂ. ಸಬ್ಬನ್ತಿ ಸಬ್ಬಂ ಪಞ್ಞತ್ತಿಪಥಂ ಸಬ್ಬಂ ಞೇಯ್ಯಪವತ್ತಿಪಥಂ. ಅದ್ಧಭವೀತಿ ಕಾಮಂ ಪಾಳಿಯಂ ಅತೀತಕಾಲನಿದ್ದೇಸೋ ಕತೋ, ತಂ ಪನ ಲಕ್ಖಣಮತ್ತಂ. ಅಭಿಭವತಿ ಅನುಪತತೀತಿ ಏತೇನ ಅಭಿಭವೋ ಅನುಪತನಂ ಪವತ್ತಿ ಏವಾತಿ ದಸ್ಸೇತಿ. ತಂ ಪನಸ್ಸ ಅಭಿಭವನಂ ಅಪ್ಪವಿಸಯೇ ಅನಾಮಸಿತ್ವಾ ಮಹಾವಿಸಯಾನಂ ವಸೇನ ದಸ್ಸೇನ್ತೋ ‘‘ಓಪಪಾತಿಕೇನ ವಾ’’ತಿಆದಿಮಾಹ. ತಸ್ಸ ನಾಮಂ ಹೋತೀತಿ ತಸ್ಸ ರುಕ್ಖಪಾಸಾಣಾದಿಕಸ್ಸ ಅನಾಮಕೋಇಚ್ಚೇವ ಸಮಞ್ಞಾ ಹೋತಿ, ತಥಾ ನಂ ಸಞ್ಜಾನನ್ತೀತಿ ಅತ್ಥೋ.

ನಾಮಸುತ್ತವಣ್ಣನಾ ನಿಟ್ಠಿತಾ.