೧೧. ನಿಸ್ಸಗ್ಗಿಯನಿದ್ದೇಸೋ

ನಿಸ್ಸಗ್ಗಿಯಾನೀತಿ –

೧೧೬. ಅರೂಪಿಯಂ ರೂಪಿಯೇನ, ರೂಪಿಯಂ ಇತರೇನ ಚ;

ರೂಪಿಯಂ ಪರಿವತ್ತೇಯ್ಯ, ನಿಸ್ಸಗ್ಗಿ ಇಧ ರೂಪಿಯಂ.

೧೧೭. ಕಹಾಪಣೋ ಸಜ್ಝು ಸಿಙ್ಗೀ, ವೋಹಾರೂಪಗಮಾಸಕಂ;

ವತ್ಥಮುತ್ತಾದಿ ಇತರಂ, ಕಪ್ಪಂ ದುಕ್ಕಟವತ್ಥು ಚ.

೧೧೮. ‘‘ಇಮಂ ಗಹೇತ್ವಾ ಭುತ್ವಾ ವಾ, ಇಮಂ ದೇಹಿ ಕರಾನಯ;

ದೇಮಿ ವಾ’’ತಿ ಸಮಾಪನ್ನೇ, ನಿಸ್ಸಗ್ಗಿ ಕಯವಿಕ್ಕಯೇ.

೧೧೯. ಅತ್ತನೋ ಅಞ್ಞತೋ ಲಾಭಂ, ಸಙ್ಘಸ್ಸಞ್ಞಸ್ಸ ವಾ ನತಂ;

ಪರಿಣಾಮೇಯ್ಯ ನಿಸ್ಸಗ್ಗಿ, ಪಾಚಿತ್ತಿ ಚಾಪಿ ದುಕ್ಕಟಂ.

೧೨೦. ಅನಿಸ್ಸಜ್ಜಿತ್ವಾ ನಿಸ್ಸಗ್ಗಿಂ, ಪರಿಭುಞ್ಜೇ ನ ದೇಯ್ಯ ವಾ;

ನಿಸ್ಸಟ್ಠಂ ಸಕಸಞ್ಞಾಯ, ದುಕ್ಕಟಂ ಅಞ್ಞಥೇತರನ್ತಿ.