೧. ಗಬ್ಭಿನೀಸಿಕ್ಖಾಪದವಣ್ಣನಾ

ಗಬ್ಭಿನಿವಗ್ಗಸ್ಸ ಪಠಮೇ ‘‘ಗಬ್ಭಿನೀ’’ತಿ ಜಾನಿತ್ವಾ ಉಪಜ್ಝಾಯಾಯ ವುಟ್ಠಾಪೇನ್ತಿಯಾ ಗಣಪರಿಯೇಸನಾದೀಸು ಚ ಞತ್ತಿಕಮ್ಮವಾಚಾದ್ವಯೇ ಚ ದುಕ್ಕಟಂ, ಕಮ್ಮವಾಚಾಪರಿಯೋಸಾನೇ ಪಾಚಿತ್ತಿಯಂ.

ಸಾವತ್ಥಿಯಂ ಸಮ್ಬಹುಲಾ ಭಿಕ್ಖುನಿಯೋ ಆರಬ್ಭ ಗಬ್ಭಿನಿಂ ವುಟ್ಠಾಪನವತ್ಥುಸ್ಮಿಂ ಪಞ್ಞತ್ತಂ, ಗಬ್ಭಿನಿಯಾ ವೇಮತಿಕಾಯ ಅಗಬ್ಭಿನಿಯಾ ಗಬ್ಭಿನಿಸಞ್ಞಾಯ ಚೇವ ವೇಮತಿಕಾಯ ಚ ದುಕ್ಕಟಂ. ಉಭೋಸು ಅಗಬ್ಭಿನಿಸಞ್ಞಾಯ, ಉಮ್ಮತ್ತಿಕಾದೀನಞ್ಚ ಅನಾಪತ್ತಿ. ಗಬ್ಭಿನಿತಾ, ‘ಗಬ್ಭಿನೀ’ತಿ ಜಾನನಂ, ವುಟ್ಠಾಪನನ್ತಿ ಇಮಾನೇತ್ಥ ತೀಣಿ ಅಙ್ಗಾನಿ. ಸಮುಟ್ಠಾನಾದೀನಿ ಅದಿನ್ನಾದಾನಸದಿಸಾನಿ, ಇದಂ ಪನ ಪಣ್ಣತ್ತಿವಜ್ಜಂ, ತಿಚಿತ್ತಂ, ತಿವೇದನನ್ತಿ.

ಗಬ್ಭಿನೀಸಿಕ್ಖಾಪದವಣ್ಣನಾ ನಿಟ್ಠಿತಾ.