(೬.) ಛಕ್ಕನಿದ್ದೇಸವಣ್ಣನಾ

೮೦೫. ವಿಸುದ್ಧಿಭಾವಂ ದಸ್ಸೇನ್ತೋ ‘‘ದೂರ…ಪೇ… ರಮ್ಮಣಾಯಾ’’ತಿ ಆಹ. ಸೋತಧಾತುವಿಸುದ್ಧೀತಿ ಚ ಚಿತ್ತಚೇತಸಿಕಾ ಧಮ್ಮಾ ವುತ್ತಾತಿ ತತ್ಥ ಞಾಣಂ ಸೋತಧಾತುವಿಸುದ್ಧಿಯಾ ಞಾಣಂ. ‘‘ಚೇತೋಪರಿಯಞಾಣ’’ನ್ತಿ ಇದಮೇವ ಅತ್ಥವಸೇನ ‘‘ಪರಚಿತ್ತೇ ಞಾಣ’’ನ್ತಿ ಉದ್ಧಟನ್ತಿ ದಟ್ಠಬ್ಬಂ. ಚುತೂಪಪಾತಞಾಣಸ್ಸ ದಿಬ್ಬಚಕ್ಖುಞಾಣೇಕದೇಸತ್ತಾ ‘‘ವಣ್ಣಧಾತುಆರಮ್ಮಣಾ’’ತಿ ವುತ್ತಂ. ಮುದ್ಧಪ್ಪತ್ತೇನ ಚುತೂಪಪಾತಞಾಣಸಙ್ಖಾತೇನ ದಿಬ್ಬಚಕ್ಖುಞಾಣೇನ ಸಬ್ಬಂ ದಿಬ್ಬಚಕ್ಖುಞಾಣನ್ತಿ ವುತ್ತನ್ತಿ ದಟ್ಠಬ್ಬಂ.

ಛಕ್ಕನಿದ್ದೇಸವಣ್ಣನಾ ನಿಟ್ಠಿತಾ.