೮-೧೦. ಲಿಚ್ಛವಿಕುಮಾರಕಸುತ್ತಾದಿವಣ್ಣನಾ

೫೮-೬೦. ಅಟ್ಠಮೇ ಸಾಪತೇಯ್ಯನ್ತಿ ಏತ್ಥ ಸಂ ವುಚ್ಚತಿ ಧನಂ, ತಸ್ಸ ಪತೀತಿ ಸಪತಿ, ಧನಸಾಮಿಕೋ. ತಸ್ಸ ಹಿತಾವಹತ್ತಾ ಸಾಪತೇಯ್ಯಂ, ದ್ರಬ್ಯಂ, ಧನನ್ತಿ ಅತ್ಥೋ. ಅತ್ತನೋ ರುಚಿವಸೇನ ಗಾಮಕಿಚ್ಚಂ ನೇತೀತಿ ಗಾಮನಿಯೋ, ಗಾಮನಿಯೋಯೇವ ಗಾಮಣಿಕೋ.

ಅನ್ವಾಯ ಉಪನಿಸ್ಸಾಯ ಜೀವನಸೀಲಾ ಅನುಜೀವಿನೋತಿ ಆಹ ‘‘ಯೇ ಚ ಏತಂ ಉಪನಿಸ್ಸಾಯ ಜೀವನ್ತೀ’’ತಿ. ಏಕಂ ಮಹಾಕುಲಂ ನಿಸ್ಸಾಯ ಪಣ್ಣಾಸಮ್ಪಿ ಸಟ್ಠಿಪಿ ಕುಲಾನಿ ಜೀವನ್ತಿ, ತೇ ಮನುಸ್ಸೇ ಸನ್ಧಾಯೇತಂ ವುತ್ತಂ. ಸೇಸಂ ಸುವಿಞ್ಞೇಯ್ಯಮೇವ. ನವಮಾದೀನಿ ಉತ್ತಾನತ್ಥಾನೇವ.

ಲಿಚ್ಛವಿಕುಮಾರಕಸುತ್ತಾದಿವಣ್ಣನಾ ನಿಟ್ಠಿತಾ.

ನೀವರಣವಗ್ಗವಣ್ಣನಾ ನಿಟ್ಠಿತಾ.