೫. ಮಾತಾಪುತ್ತಸುತ್ತವಣ್ಣನಾ

೫೫. ಪಞ್ಚಮೇ ವಿಸ್ಸಾಸೋತಿ ವಿಸಚ್ಛಾಯಸನ್ತಾನೋ ಭಾವೋ. ಓತಾರೋತಿ ತತ್ಥ ಚಿತ್ತಸ್ಸ ಅನುಪ್ಪವೇಸೋ. ಗಹೇತ್ವಾತಿ ಅತ್ತನೋ ಏವ ಓಕಾಸಂ ಗಹೇತ್ವಾ. ಖೇಪೇತ್ವಾತಿ ಕುಸಲವಾರಂ ಖೇಪೇತ್ವಾ.

ಘಟ್ಟೇಯ್ಯಾತಿ ಅಕ್ಕಮನಾದಿವಸೇನ ಬಾಧೇಯ್ಯ. ತೀಹಿ ಪರಿಞ್ಞಾಹೀತಿ ಞಾತತೀರಣಪ್ಪಹಾನಸಙ್ಖಾತಾಹಿ ತೀಹಿ ಪರಿಞ್ಞಾಹಿ. ನತ್ಥಿ ಏತೇಸಂ ಕುತೋಚಿ ಭಯನ್ತಿ ಅಕುತೋಭಯಾ, ನಿಬ್ಭಯಾತಿ ಅತ್ಥೋ. ಚತುನ್ನಂ ಓಘಾನಂ, ಸಂಸಾರಮಹೋಘಸ್ಸೇವ ವಾ ಪಾರಂ ಪರಿಯನ್ತಂ ಗತಾ. ತೇನಾಹ ‘‘ಪಾರಂ ವುಚ್ಚತಿ ನಿಬ್ಬಾನ’’ನ್ತಿಆದಿ.

ಮಾತಾಪುತ್ತಸುತ್ತವಣ್ಣನಾ ನಿಟ್ಠಿತಾ.