೧-೨. ಅಕ್ಕೋಸಕಸುತ್ತಾದಿವಣ್ಣನಾ

೨೧೧-೨. ದುತಿಯಸ್ಸ ಪಠಮೇ ದಸಹಿ ಅಕ್ಕೋಸವತ್ಥೂಹಿ ಅಕ್ಕೋಸಕೋತಿ ‘‘ಬಾಲೋಸಿ, ಮೂಳ್ಹೋಸಿ, ಓಟ್ಠೋಸಿ, ಗೋಣೋಸಿ, ಗದ್ರಭೋಸೀ’’ತಿಆದಿನಾ ದಸಹಿ ಅಕ್ಕೋಸವತ್ಥೂಹಿ ಅಕ್ಕೋಸಕೋ. ‘‘ಹೋತು, ಮುಣ್ಡಕಸಮಣ, ಅದಣ್ಡೋ ಅಹನ್ತಿ ಕರೋಸಿ, ಇದಾನಿ ತೇ ರಾಜಕುಲಂ ಗನ್ತ್ವಾ ದಣ್ಡಂ ಆರೋಪೇಸ್ಸಾಮೀ’’ತಿಆದೀನಿ ವದನ್ತೋ ಪರಿಭಾಸಕೋ ನಾಮಾತಿ ಆಹ ‘‘ಭಯದಸ್ಸನೇನ ಪರಿಭಾಸಕೋ’’ತಿ. ಲೋಕುತ್ತರಧಮ್ಮಾ ಅಪಾಯಮಗ್ಗಸ್ಸ ಪರಿಪನ್ಥಭಾವತೋ ಪರಿಪನ್ಥೋ ನಾಮಾತಿ ಆಹ ‘‘ಲೋಕುತ್ತರಪರಿಪನ್ಥಸ್ಸ ಛಿನ್ನತ್ತಾ’’ತಿ, ಲೋಕುತ್ತರಸಙ್ಖಾತಸ್ಸ ಅಪಾಯಮಗ್ಗಪರಿಪನ್ಥಸ್ಸ ಛಿನ್ನತ್ತಾತಿ ಅತ್ಥೋ. ದುತಿಯೇ ನತ್ಥಿ ವತ್ತಬ್ಬಂ.

ಅಕ್ಕೋಸಕಸುತ್ತಾದಿವಣ್ಣನಾ ನಿಟ್ಠಿತಾ.