೧-೪. ಕಿಮಿಲಸುತ್ತಾದಿವಣ್ಣನಾ

೨೦೧-೪. ಪಞ್ಚಮಸ್ಸ ಪಠಮದುತಿಯಾನಿ ಉತ್ತಾನತ್ಥಾನೇವ. ತತಿಯೇ ಅಧಿವಾಸನಂ ಖಮನಂ, ಪರೇಸಂ ದುಕ್ಕಟಂ ದುರುತ್ತಞ್ಚ ಪಟಿವಿರೋಧಾಕರಣೇನ ಅತ್ತನೋ ಉಪರಿ ಆರೋಪೇತ್ವಾ ವಾಸನಂ ಅಧಿವಾಸನಂ, ತದೇವ ಖನ್ತೀತಿ ಅಧಿವಾಸನಕ್ಖನ್ತಿ. ಸುಭೇ ರತೋತಿ ಸೂರತೋ, ಸುಟ್ಠು ವಾ ಪಾಪತೋ ಓರತೋ ವಿರತೋ ಸೋರತೋ, ತಸ್ಸ ಭಾವೋ ಸೋರಚ್ಚಂ. ತೇನಾಹ ‘‘ಸೋರಚ್ಚೇನಾತಿ ಸುಚಿಸೀಲತಾಯಾ’’ತಿ. ಸಾ ಹಿ ಸೋಭನಕಮ್ಮರತತಾ, ಸುಟ್ಠು ವಾ ಪಾಪತೋ ಓರತಭಾವೋ ವಿರತತಾ. ಚತುತ್ಥೇ ನತ್ಥಿ ವತ್ತಬ್ಬಂ.

ಕಿಮಿಲಸುತ್ತಾದಿವಣ್ಣನಾ ನಿಟ್ಠಿತಾ.