೫-೯. ಪತ್ಥನಾಸುತ್ತಾದಿವಣ್ಣನಾ

೧೩೫-೯. ಪಞ್ಚಮೇ ಹತ್ಥಿಸ್ಮಿನ್ತಿ ಹತ್ಥಿಸಿಪ್ಪೇ. ಹತ್ಥೀತಿ ಹಿ ಹತ್ಥಿವಿಸಯತ್ತಾ ಹತ್ಥಿಸನ್ನಿಸ್ಸಿತತ್ತಾ ಚ ಹತ್ಥಿಸಿಪ್ಪಂ ಗಹಿತಂ. ಸೇಸಪದೇಸುಪಿ ಏಸೇವ ನಯೋ. ವಯತೀತಿ ವಯೋ, ಸೋಭನೇಸು ಕತ್ಥಚಿ ಅಪಕ್ಖಲನ್ತೋ ಅವಿತ್ಥಾಯನ್ತೋ ತಾನಿ ಸನ್ಧಾರೇತುಂ ಸಕ್ಕೋತೀತಿ ಅತ್ಥೋ. ನ ವಯೋ ಅವಯೋ, ತಾನಿ ಅತ್ಥತೋ ಸದ್ದತೋ ಚ ಸನ್ಧಾರೇತುಂ ನ ಸಕ್ಕೋತಿ. ಅವಯೋ ನ ಹೋತೀತಿ ಅನವಯೋ. ದ್ವೇ ಪಟಿಸೇಧಾ ಪಕತಿಂ ಗಮೇನ್ತೀತಿ ಆಹ ‘‘ಅನವಯೋತಿ ಸಮತ್ಥೋ’’ತಿ. ಛಟ್ಠಾದೀನಿ ಉತ್ತಾನತ್ಥಾನೇವ.

ಪತ್ಥನಾಸುತ್ತಾದಿವಣ್ಣನಾ ನಿಟ್ಠಿತಾ.