೮. ಥೇರಸುತ್ತವಣ್ಣನಾ

೮೮. ಅಟ್ಠಮೇ ಥಿರಭಾವಪ್ಪತ್ತೋತಿ ಸಾಸನೇ ಥಿರಭಾವಂ ಅನಿವತ್ತಿಭಾವಂ ಪತ್ಥೋ. ಪಬ್ಬಜಿತೋ ಹುತ್ವಾ ಬಹೂ ರತ್ತಿಯೋ ಜಾನಾತೀತಿ ರತ್ತಞ್ಞೂ. ತೇನಾಹ ‘‘ಪಬ್ಬಜಿತದಿವಸತೋ ಪಟ್ಠಾಯಾ’’ತಿಆದಿ. ಪಾಕಟೋತಿ ಅಯಥಾಭೂತಗುಣೇಹಿ ಚೇವ ಯಥಾಭೂತಗುಣೇಹಿ ಚ ಸಮುಗ್ಗತೋ. ಯಸೋ ಏತಸ್ಸ ಅತ್ಥೀತಿ ಯಸಸ್ಸೀ, ಯಸಂ ಸಿತೋ ನಿಸ್ಸಿತೋ ವಾ ಯಸಸ್ಸೀ. ತೇನಾಹ ‘‘ಯಸನಿಸ್ಸಿತೋ’’ತಿ. ಅಸತಂ ಅಸಾಧೂನಂ ಧಮ್ಮಾ ಅಸದ್ಧಮ್ಮಾ, ಅಸನ್ತಾ ವಾ ಅಸುನ್ದರಾ ಗಾರಯ್ಹಾ ಲಾಮಕಾ ಧಮ್ಮಾತಿ ಅಸದ್ಧಮ್ಮಾ. ವಿಪರಿಯಾಯೇನ ಸದ್ಧಮ್ಮಾ ವೇದಿತಬ್ಬಾ.

ಥೇರಸುತ್ತವಣ್ಣನಾ ನಿಟ್ಠಿತಾ.