(೨೩) ೩. ದುಚ್ಚರಿತವಗ್ಗವಣ್ಣನಾ

೨೨೧-೨೩೧. ತತಿಯಸ್ಸ ಪಠಮಾದೀನಿ ಉತ್ತಾನತ್ಥಾನೇವ. ಚಿನ್ತಾಕವೀತಿಆದೀಸು ವತ್ಥುಅನುಸನ್ಧಿಉಭಯಮೇವ ಚಿರೇನ ಚಿನ್ತೇತ್ವಾ ಕರಣವಸೇನ ಚಿನ್ತಾಕವಿ ವೇದಿತಬ್ಬೋ. ಕಿಞ್ಚಿ ಸುತ್ವಾ ಸುತೇನ ಅಸ್ಸುತಂ ಅನುಸನ್ಧೇತ್ವಾ ಕರಣವಸೇನ ಸುತಕವಿ, ಕಿಞ್ಚಿ ಅತ್ಥಂ ಉಪಧಾರೇತ್ವಾ ತಸ್ಸ ಸಙ್ಖಿಪನವಿತ್ಥಾರಣಾದಿವಸೇನ ಅತ್ಥಕವಿ ಯಂಕಿಞ್ಚಿ ಪರೇನ ಕತಂ ಕಬ್ಬಂ ನಾಟಕಂ ವಾ ದಿಸ್ವಾ ತಂಸದಿಸಮೇವ ಅಞ್ಞಂ ಅತ್ತನೋ ಠಾನುಪ್ಪತ್ತಿಕಪ್ಪಟಿಭಾನೇನ ಕರಣವಸೇನ ಪಟಿಭಾನಕವಿ ವೇದಿತಬ್ಬೋ.

ದುಚ್ಚರಿತವಗ್ಗವಣ್ಣನಾ ನಿಟ್ಠಿತಾ.