೯. ಭಿಕ್ಖುನೀಸುತ್ತವಣ್ಣನಾ

೧೫೯. ನವಮೇ ಏವಂ ಪವತ್ತಂ ಪಚ್ಚುಪ್ಪನ್ನತಣ್ಹಂ ನಿಸ್ಸಾಯಾತಿ ‘‘ಕುದಾಸ್ಸು ನಾಮಾಹಮ್ಪಿ ಆಸವಾನಂ ಖಯಾ’’ತಿಆದಿನಾ ನಯೇನ ಅನುತ್ತರೇ ವಿಮೋಕ್ಖೇ ಪಿಹಂ ಉಪ್ಪಾದೇನ್ತಸ್ಸ ಉಪ್ಪನ್ನತಣ್ಹಂ ನಿಸ್ಸಾಯ. ಕಥಂ ಪನ ಲೋಕುತ್ತರಧಮ್ಮೇ ಆರಬ್ಭ ಆಸಾ ಉಪ್ಪಜ್ಜತೀತಿ? ನ ಖೋ ಪನೇತಂ ಏವಂ ದಟ್ಠಬ್ಬಂ, ನ ಆರಮ್ಮಣಕರಣವಸೇನ ತತ್ಥ ಪಿಹಾ ಪವತ್ತತಿ ಅವಿಸಯತ್ತಾ ಪುಗ್ಗಲಸ್ಸ ಚ ಅನಧಿಗತಭಾವತೋ. ಅನುಸ್ಸವೂಪಲದ್ಧೇ ಪನ ಅನುತ್ತರವಿಮೋಕ್ಖೇ ಉದ್ದಿಸ್ಸ ಪಿಹಂ ಉಪ್ಪಾದೇನ್ತೋ ತತ್ಥ ಪಿಹಂ ಉಪ್ಪಾದೇತಿ ನಾಮ. ನಾಕಡ್ಢತೀತಿ ಕಮ್ಮಪಥಭಾವಂ ಅಪ್ಪತ್ತತಾಯ ಪಟಿಸನ್ಧಿಂ ನ ದೇತಿ. ಸೇಸಂ ಸುವಿಞ್ಞೇಯ್ಯಮೇವ.

ಭಿಕ್ಖುನೀಸುತ್ತವಣ್ಣನಾ ನಿಟ್ಠಿತಾ.