೩. ದುತಿಯಸಮಾಧಿಸುತ್ತವಣ್ಣನಾ

೯೩. ತತಿಯೇ ಅಪ್ಪಟಿವಾನೀತಿ ಭಾವಪ್ಪಧಾನೋ ನಿದ್ದೇಸೋತಿ ಆಹ ‘‘ಅನಿವತ್ತನತಾ’’ತಿ. ‘‘ಅಪ್ಪಟಿವಾನಿತಾ’’ತಿ ವತ್ತಬ್ಬೇ ‘‘ಅಪ್ಪಟಿವಾನೀ’’ತಿ ವುತ್ತಂ. ತಥಾ ಹಿ ವೀರಿಯಪ್ಪವಾಹೇ ವತ್ತಮಾನೇ ಅನ್ತರಾ ಏವ ಪಟಿಗಮನಂ ನಿವತ್ತನಂ ಪಟಿವಾನಂ, ತಂ ಅಸ್ಸ ಅತ್ಥೀತಿ ಪಟಿವಾನೀ, ನ ಪಟಿವಾನೀ ಅಪ್ಪಟಿವಾನೀ, ತಸ್ಸ ಭಾವೋ ಅಪ್ಪಟಿವಾನಿತಾ, ಅನಿವತ್ತನಾತಿ ಅತ್ಥೋ. ಅಪ್ಪಟಿವಾನೀತಿ ವಾ ಇತ್ಥಿಲಿಙ್ಗವಸೇನೇವಾಯಂ ನಿದ್ದೇಸೋ. ಅನ್ತರಾಯೇವ ಪಟಿಗಮನಂ ನಿವತ್ತನಂ ಪಟಿವಾನೀ, ನ ಪಟಿವಾನೀ ಅಪ್ಪಟಿವಾನೀ, ಅನಿವತ್ತನಾತಿ ಅತ್ಥೋ.

ದುತಿಯಸಮಾಧಿಸುತ್ತವಣ್ಣನಾ ನಿಟ್ಠಿತಾ.