೩. ಅತ್ಥವಸಸುತ್ತವಣ್ಣನಾ

೪೩. ತತಿಯೇ ಅತ್ಥೋ ನಾಮ ಫಲಂ, ತಂ ಏತಸ್ಸ ವಸೋತಿ ಅತ್ಥವಸೋ. ಹೇತು, ಅತ್ಥೋ ಏತಸ್ಸ ಅತ್ಥೀತಿ ಅತ್ಥೋ, ಸೋ ಏವಾತಿ ಆಹ ‘‘ತಯೋ ಅತ್ಥೇ ತೀಣಿ ಕಾರಣಾನೀ’’ತಿ. ಧಮ್ಮದೇಸನಾ ನಾಮ ಉಕ್ಕಟ್ಠನಿದ್ದೇಸೇನ ಚತುನ್ನಂ ಅರಿಯಸಚ್ಚಾನಂ ಪಕಾಸನಾತಿ ಆಹ ‘‘ಚತುಸಚ್ಚಧಮ್ಮಂ ಪಕಾಸೇತೀ’’ತಿ. ಅಟ್ಠಕಥಂ ಞಾಣೇನ ಪಟಿಸಂವೇದೀತಿ ಪಾಳಿಪದಾನಂ ಅತ್ಥಂ ವಿವರಣಞಾಣೇನ ಪಟಿ ಪಟಿ ಸಂವೇದನಸೀಲೋ ‘‘ಅಯಂ ಇಮಸ್ಸ ಭಾಸಿತಸ್ಸ ಅತ್ಥೋ’’ತಿ. ಏತೇನ ಅತ್ಥಪಟಿಸಮ್ಭಿದಾಬ್ಯಾಪಾರಮಾಹ. ಪಾಳಿಧಮ್ಮಂ ಪಟಿಸಂವೇದೀತಿ ಪಾಳಿಗತಿಂ ಪಾಳಿಂ ಪದವಿವರಣಂ ಪಟಿ ಪಟಿ ಸಂವೇದನಸೀಲೋ. ಏತೇನ ಧಮ್ಮಪಟಿಸಮ್ಭಿದಾಬ್ಯಾಪಾರಮಾಹ.

ಅತ್ಥವಸಸುತ್ತವಣ್ಣನಾ ನಿಟ್ಠಿತಾ.