೨. ಪರಿಸಾಸುತ್ತವಣ್ಣನಾ

೧೩೫. ದುತಿಯೇ ಅಪ್ಪಟಿಪುಚ್ಛಿತ್ವಾ ವಿನೀತಾತಿ ‘‘ತಂ ಕಿಂ ಮಞ್ಞಥ, ಭಿಕ್ಖವೇ, ರೂಪಂ ನಿಚ್ಚಂ ವಾ ಅನಿಚ್ಚಂ ವಾ’’ತಿಆದಿನಾ ಅಪ್ಪಟಿಪುಚ್ಛಿತ್ವಾ ಕೇವಲಂ ಧಮ್ಮದೇಸನಾವಸೇನೇವ ವಿನೀತಪರಿಸಾ. ದುಬ್ಬಿನೀತಪರಿಸಾತಿ ದುಕ್ಖೇನ ವಿನೀತಪರಿಸಾ. ಪುಚ್ಛಿತ್ವಾ ವಿನೀತಾತಿ ‘‘ತಂ ಕಿಂ ಮಞ್ಞಥ, ಭಿಕ್ಖವೇ’’ತಿಆದಿನಾ ಪುಚ್ಛಿತ್ವಾ ಅನುಮತಿಗ್ಗಹಣವಸೇನ ವಿನೀತಾ. ಸುವಿನೀತಪರಿಸಾತಿ ಸುಖೇನ ವಿನೀತಪರಿಸಾ. ಅನುಮತಿಗ್ಗಹಣವಸೇನ ವಿನಯನಞ್ಹಿ ನ ದುಕ್ಕರಂ ಹೋತಿ.

ಪರಿಸಾಸುತ್ತವಣ್ಣನಾ ನಿಟ್ಠಿತಾ.