೧೦. ಚತುತ್ಥಆಮಕಧಞ್ಞಪೇಯ್ಯಾಲವಗ್ಗೋ

೧. ಖೇತ್ತವತ್ಥುಸುತ್ತಂ

೧೧೬೧. …ಪೇ… ‘‘ಏವಮೇವ ಖೋ, ಭಿಕ್ಖವೇ, ಅಪ್ಪಕಾ ತೇ ಸತ್ತಾ ಯೇ ಖೇತ್ತವತ್ಥುಪಟಿಗ್ಗಹಣಾ ಪಟಿವಿರತಾ; ಅಥ ಖೋ ಏತೇವ ಬಹುತರಾ ಸತ್ತಾ ಯೇ ಖೇತ್ತವತ್ಥುಪಟಿಗ್ಗಹಣಾ ಅಪ್ಪಟಿವಿರತಾ…ಪೇ…. ಪಠಮಂ.

೨. ಕಯವಿಕ್ಕಯಸುತ್ತಂ

೧೧೬೨. …ಪೇ… ‘‘ಏವಮೇವ ಖೋ, ಭಿಕ್ಖವೇ, ಅಪ್ಪಕಾ ತೇ ಸತ್ತಾ ಯೇ ಕಯವಿಕ್ಕಯಾ ಪಟಿವಿರತಾ; ಅಥ ಖೋ ಏತೇವ ಬಹುತರಾ ಸತ್ತಾ ಯೇ ಕಯವಿಕ್ಕಯಾ ಅಪ್ಪಟಿವಿರತಾ…ಪೇ…. ದುತಿಯಂ.

೩. ದೂತೇಯ್ಯಸುತ್ತಂ

೧೧೬೩. …ಪೇ… ‘‘ಏವಮೇವ ಖೋ, ಭಿಕ್ಖವೇ, ಅಪ್ಪಕಾ ತೇ ಸತ್ತಾ ಯೇ ದೂತೇಯ್ಯಪಹಿನಗಮನಾನುಯೋಗಾ ಪಟಿವಿರತಾ; ಅಥ ಖೋ ಏತೇವ ಬಹುತರಾ ಸತ್ತಾ ಯೇ ದೂತೇಯ್ಯಪಹಿನಗಮನಾನುಯೋಗಾ ಅಪ್ಪಟಿವಿರತಾ…ಪೇ…. ತತಿಯಂ.

೪. ತುಲಾಕೂಟಸುತ್ತಂ

೧೧೬೪. …ಪೇ… ‘‘ಏವಮೇವ ಖೋ, ಭಿಕ್ಖವೇ, ಅಪ್ಪಕಾ ತೇ ಸತ್ತಾ ಯೇ ತುಲಾಕೂಟಕಂಸಕೂಟಮಾನಕೂಟಾ ಪಟಿವಿರತಾ; ಅಥ ಖೋ ಏತೇವ ಬಹುತರಾ ಸತ್ತಾ ಯೇ ತುಲಾಕೂಟಕಂಸಕೂಟಮಾನಕೂಟಾ ಅಪ್ಪಟಿವಿರತಾ…ಪೇ…. ಚತುತ್ಥಂ.

೫. ಉಕ್ಕೋಟನಸುತ್ತಂ

೧೧೬೫. …ಪೇ… ‘‘ಏವಮೇವ ಖೋ, ಭಿಕ್ಖವೇ, ಅಪ್ಪಕಾ ತೇ ಸತ್ತಾ ಯೇ ಉಕ್ಕೋಟನವಞ್ಚನನಿಕತಿಸಾಚಿಯೋಗಾ [ಉಕ್ಕೋಟನವಞ್ಚನನಿಕತಿಸಾವಿಯೋಗಾ (ಸ್ಯಾ. ಕಂ. ಪೀ. ಕ.)] ಪಟಿವಿರತಾ; ಅಥ ಖೋ ಏತೇವ ಬಹುತರಾ ಸತ್ತಾ ಯೇ ಉಕ್ಕೋಟನವಞ್ಚನನಿಕತಿಸಾಚಿಯೋಗಾ ಅಪ್ಪಟಿವಿರತಾ…ಪೇ…. ಪಞ್ಚಮಂ.

೬-೧೧. ಛೇದನಾದಿಸುತ್ತಂ

೧೧೬೬-೧೧೭೧. …ಪೇ… ಏವಮೇವ ಖೋ, ಭಿಕ್ಖವೇ, ಅಪ್ಪಕಾ ತೇ ಸತ್ತಾ ಯೇ ಛೇದನವಧಬನ್ಧನವಿಪರಾಮೋಸಆಲೋಪಸಹಸಾಕಾರಾ [ಸಾಹಸಾಕಾರಾ (ಕ.)] ಪಟಿವಿರತಾ; ಅಥ ಖೋ ಏತೇವ ಬಹುತರಾ ಸತ್ತಾ ಯೇ ಛೇದನವಧಬನ್ಧನವಿಪರಾಮೋಸಆಲೋಪಸಹಸಾಕಾರಾ ಅಪ್ಪಟಿವಿರತಾ. ತಂ ಕಿಸ್ಸ ಹೇತು? ಅದಿಟ್ಠತ್ತಾ ಭಿಕ್ಖವೇ, ಚತುನ್ನಂ ಅರಿಯಸಚ್ಚಾನಂ. ಕತಮೇಸಂ ಚತುನ್ನಂ? ದುಕ್ಖಸ್ಸ ಅರಿಯಸಚ್ಚಸ್ಸ…ಪೇ… ದುಕ್ಖನಿರೋಧಗಾಮಿನಿಯಾ ಪಟಿಪದಾಯ ಅರಿಯಸಚ್ಚಸ್ಸ’’.

‘‘ತಸ್ಮಾತಿಹ, ಭಿಕ್ಖವೇ, ‘ಇದಂ ದುಕ್ಖ’ನ್ತಿ ಯೋಗೋ ಕರಣೀಯೋ…ಪೇ… ‘ಅಯಂ ದುಕ್ಖನಿರೋಧಗಾಮಿನೀ ಪಟಿಪದಾ’ತಿ ಯೋಗೋ ಕರಣೀಯೋ’’ತಿ. ಏಕಾದಸಮಂ.

ಚತುತ್ಥಆಮಕಧಞ್ಞಪೇಯ್ಯಾಲವಗ್ಗೋ ದಸಮೋ.

ತಸ್ಸುದ್ದಾನಂ –

ಖೇತ್ತಂ ಕಾಯಂ ದೂತೇಯ್ಯಞ್ಚ, ತುಲಾಕೂಟಂ ಉಕ್ಕೋಟನಂ;

ಛೇದನಂ ವಧಬನ್ಧನಂ, ವಿಪರಾಲೋಪಂ ಸಾಹಸನ್ತಿ.