೨೦-೨೭. ಠಿತಿಮೂಲಕವುಟ್ಠಾನಸುತ್ತಾದಿಅಟ್ಠಕಂ

೬೮೧-೬೮೮. ಸಾವತ್ಥಿನಿದಾನಂ. ‘‘ಚತ್ತಾರೋಮೇ, ಭಿಕ್ಖವೇ, ಝಾಯೀ. ಕತಮೇ ಚತ್ತಾರೋ? ಇಧ, ಭಿಕ್ಖವೇ, ಏಕಚ್ಚೋ ಝಾಯೀ ಸಮಾಧಿಸ್ಮಿಂ ಠಿತಿಕುಸಲೋ ಹೋತಿ, ನ ಸಮಾಧಿಸ್ಮಿಂ ವುಟ್ಠಾನಕುಸಲೋ. ಇಧ ಪನ, ಭಿಕ್ಖವೇ, ಏಕಚ್ಚೋ ಝಾಯೀ ಸಮಾಧಿಸ್ಮಿಂ ವುಟ್ಠಾನಕುಸಲೋ ಹೋತಿ, ನ ಸಮಾಧಿಸ್ಮಿಂ ಠಿತಿಕುಸಲೋ. ಇಧ ಪನ, ಭಿಕ್ಖವೇ, ಏಕಚ್ಚೋ ಝಾಯೀ ನೇವ ಸಮಾಧಿಸ್ಮಿಂ ಠಿತಿಕುಸಲೋ ಹೋತಿ, ನ ಚ ಸಮಾಧಿಸ್ಮಿಂ ವುಟ್ಠಾನಕುಸಲೋ. ಇಧ ಪನ, ಭಿಕ್ಖವೇ, ಏಕಚ್ಚೋ ಝಾಯೀ ಸಮಾಧಿಸ್ಮಿಂ ಠಿತಿಕುಸಲೋ ಚ ಹೋತಿ, ಸಮಾಧಿಸ್ಮಿಂ ವುಟ್ಠಾನಕುಸಲೋ ಚ. ತತ್ರ, ಭಿಕ್ಖವೇ, ಯ್ವಾಯಂ ಝಾಯೀ…ಪೇ… ಉತ್ತಮೋ ಚ ಪವರೋ ಚಾ’’ತಿ. ವೀಸತಿಮಂ. (ಪುರಿಮಮೂಲಕಾನಿ ವಿಯ ಯಾವ ಸತ್ತವೀಸತಿಮಾ ಠಿತಿಮೂಲಕಸಪ್ಪಾಯಕಾರೀಸುತ್ತಾ ಅಟ್ಠ ಸುತ್ತಾನಿ ಪೂರೇತಬ್ಬಾನಿ. ಠಿತಿಮೂಲಕಂ.)