೫. ಗುತ್ತಿಲವಿಮಾನಂ

೧. ವತ್ಥುತ್ತಮದಾಯಿಕಾವಿಮಾನವತ್ಥು

೩೨೭. ‘‘ಸತ್ತತನ್ತಿಂ ಸುಮಧುರಂ, ರಾಮಣೇಯ್ಯಂ ಅವಾಚಯಿಂ;

ಸೋ ಮಂ ರಙ್ಗಮ್ಹಿ ಅವ್ಹೇತಿ, ‘ಸರಣಂ ಮೇ ಹೋಹಿ ಕೋಸಿಯಾ’ತಿ.

೩೨೮. ‘‘ಅಹಂ ತೇ ಸರಣಂ ಹೋಮಿ, ಅಹಮಾಚರಿಯಪೂಜಕೋ;

ನ ತಂ ಜಯಿಸ್ಸತಿ ಸಿಸ್ಸೋ, ಸಿಸ್ಸಮಾಚರಿಯ ಜೇಸ್ಸಸೀ’’ತಿ.

೩೨೯. ‘‘ಅಭಿಕ್ಕನ್ತೇನ ವಣ್ಣೇನ, ಯಾ ತ್ವಂ ತಿಟ್ಠಸಿ ದೇವತೇ;

ಓಭಾಸೇನ್ತೀ ದಿಸಾ ಸಬ್ಬಾ, ಓಸಧೀ ವಿಯ ತಾರಕಾ.

೩೩೦. ‘‘ಕೇನ ತೇತಾದಿಸೋ ವಣ್ಣೋ, ಕೇನ ತೇ ಇಧ ಮಿಜ್ಝತಿ;

ಉಪ್ಪಜ್ಜನ್ತಿ ಚ ತೇ ಭೋಗಾ, ಯೇ ಕೇಚಿ ಮನಸೋ ಪಿಯಾ.

೩೩೧. ‘‘ಪುಚ್ಛಾಮಿ ತಂ ದೇವಿ ಮಹಾನುಭಾವೇ, ಮನುಸ್ಸಭೂತಾ ಕಿಮಕಾಸಿ ಪುಞ್ಞಂ;

ಕೇನಾಸಿ ಏವಂ ಜಲಿತಾನುಭಾವಾ, ವಣ್ಣೋ ಚ ತೇ ಸಬ್ಬದಿಸಾ ಪಭಾಸತೀ’’ತಿ.

೩೩೨. ಸಾ ದೇವತಾ ಅತ್ತಮನಾ, ಮೋಗ್ಗಲ್ಲಾನೇನ ಪುಚ್ಛಿತಾ;

ಪಞ್ಹಂ ಪುಟ್ಠಾ ವಿಯಾಕಾಸಿ, ಯಸ್ಸ ಕಮ್ಮಸ್ಸಿದಂ ಫಲಂ.

೩೩೩. ‘‘ವತ್ಥುತ್ತಮದಾಯಿಕಾ ನಾರೀ, ಪವರಾ ಹೋತಿ ನರೇಸು ನಾರೀಸು;

ಏವಂ ಪಿಯರೂಪದಾಯಿಕಾ ಮನಾಪಂ, ದಿಬ್ಬಂ ಸಾ ಲಭತೇ ಉಪೇಚ್ಚ ಠಾನಂ.

೩೩೪. ‘‘ತಸ್ಸಾ ಮೇ ಪಸ್ಸ ವಿಮಾನಂ, ಅಚ್ಛರಾ ಕಾಮವಣ್ಣಿನೀಹಮಸ್ಮಿ;

ಅಚ್ಛರಾಸಹಸ್ಸಸ್ಸಾಹಂ, ಪವರಾ [ಅಚ್ಛರಾಸಹಸ್ಸಸ್ಸಾಹಂ ಪವರಾ, (ಸ್ಯಾ.)] ಪಸ್ಸ ಪುಞ್ಞಾನಂ ವಿಪಾಕಂ.

೩೩೫. ‘‘ತೇನ ಮೇತಾದಿಸೋ ವಣ್ಣೋ, ತೇನ ಮೇ ಇಧ ಮಿಜ್ಝತಿ;

ಉಪ್ಪಜ್ಜನ್ತಿ ಚ ಮೇ ಭೋಗಾ, ಯೇ ಕೇಚಿ ಮನಸೋ ಪಿಯಾ.

೩೩೬. ‘‘ಅಕ್ಖಾಮಿ ತೇ ಭಿಕ್ಖು ಮಹಾನುಭಾವ, ಮನುಸ್ಸಭೂತಾ ಯಮಕಾಸಿ ಪುಞ್ಞಂ;

ತೇನಮ್ಹಿ ಏವಂ ಜಲಿತಾನುಭಾವಾ, ವಣ್ಣೋ ಚ ಮೇ ಸಬ್ಬದಿಸಾ ಪಭಾಸತೀ’’ತಿ.

(ಅನನ್ತರಂ ಚತುರವಿಮಾನಂ ಯಥಾ ವತ್ಥುದಾಯಿಕಾವಿಮಾನಂ ತಥಾ ವಿತ್ಥಾರೇತಬ್ಬಂ [( ) ನತ್ಥಿ ಸೀ. ಪೋತ್ಥಕೇ])

೨. ಪುಪ್ಫುತ್ತಮದಾಯಿಕಾವಿಮಾನವತ್ಥು (೧)

೩೩೭. ‘‘ಅಭಿಕ್ಕನ್ತೇನ ವಣ್ಣೇನ…ಪೇ… ಓಸಧೀ ವಿಯ ತಾರಕಾ.

೩೩೮. ‘‘ಕೇನ ತೇತಾದಿಸೋ ವಣ್ಣೋ…ಪೇ… ಯೇ ಕೇಚಿ ಮನಸೋ ಪಿಯಾ.

೩೩೯. ‘‘ಪುಚ್ಛಾಮಿ ತಂ ದೇವಿ ಮಹಾನುಭಾವೇ…ಪೇ…

ವಣ್ಣೋ ಚ ತೇ ಸಬ್ಬದಿಸಾ ಪಭಾಸತೀ’’ತಿ.

೩೪೦. ಸಾ ದೇವತಾ ಅತ್ತಮನಾ…ಪೇ… ಯಸ್ಸ ಕಮ್ಮಸ್ಸಿದಂ ಫಲಂ.

೩೪೧. ‘‘ಪುಪ್ಫುತ್ತಮದಾಯಿಕಾ ನಾರೀ, ಪವರಾ ಹೋತಿ ನರೇಸು ನಾರೀಸು;

ಏವಂ ಪಿಯರೂಪದಾಯಿಕಾ ಮನಾಪಂ, ದಿಬ್ಬಂ ಸಾ ಲಭತೇ ಉಪೇಚ್ಚ ಠಾನಂ.

೩೪೨. ‘‘ತಸ್ಸಾ ಮೇ ಪಸ್ಸ ವಿಮಾನಂ, ಅಚ್ಛರಾ ಕಾಮವಣ್ಣಿನೀಹಮಸ್ಮಿ;

ಅಚ್ಛರಾಸಹಸ್ಸಸ್ಸಾಹಂ, ಪವರಾ ಪಸ್ಸ ಪುಞ್ಞಾನಂ ವಿಪಾಕಂ.

೩೪೩. ‘‘ತೇನ ಮೇತಾದಿಸೋ ವಣ್ಣೋ…ಪೇ…

ವಣ್ಣೋ ಚ ಮೇ ಸಬ್ಬದಿಸಾ ಪಭಾಸತೀ’’ತಿ.

೩. ಗನ್ಧುತ್ತಮದಾಯಿಕಾವಿಮಾನವತ್ಥು (೨)

೩೪೫. ‘‘ಅಭಿಕ್ಕನ್ತೇನ ವಣ್ಣೇನ…ಪೇ… ಓಸಧೀ ವಿಯ ತಾರಕಾ.

೩೪೬. ‘‘ಕೇನ ತೇತಾದಿಸೋ ವಣ್ಣೋ…ಪೇ… ಯೇ ಕೇಚಿ ಮನಸೋ ಪಿಯಾ.

೩೪೭. ‘‘ಪುಚ್ಛಾಮಿ ತಂ ದೇವಿ ಮಹಾನುಭಾವೇ…ಪೇ…

ವಣ್ಣೋ ಚ ತೇ ಸಬ್ಬದಿಸಾ ಪಭಾಸತೀ’’ತಿ.

೩೪೮. ‘‘ಸಾ ದೇವತಾ ಅತ್ತಮನಾ…ಪೇ… ಯಸ್ಸ ಕಮ್ಮಸ್ಸಿದಂ ಫಲಂ.

೩೪೯. ‘‘ಗನ್ಧುತ್ತಮದಾಯಿಕಾ ನಾರೀ, ಪವರಾ ಹೋತಿ ನರೇಸು ನಾರೀಸು;

ಏವಂ ಪಿಯರೂಪದಾಯಿಕಾ ಮನಾಪಂ, ದಿಬ್ಬಂ ಸಾ ಲಭತೇ ಉಪೇಚ್ಚ ಠಾನಂ.

೩೫೦. ‘‘ತಸ್ಸಾ ಮೇ ಪಸ್ಸ ವಿಮಾನಂ, ಅಚ್ಛರಾ ಕಾಮವಣ್ಣಿನೀಹಮಸ್ಮಿ;

ಅಚ್ಛರಾಸಹಸ್ಸಸ್ಸಾಹಂ, ಪವರಾ ಪಸ್ಸ ಪುಞ್ಞಾನಂ ವಿಪಾಕಂ.

೩೫೧. ‘‘ತೇನ ಮೇತಾದಿಸೋ ವಣ್ಣೋ…ಪೇ…

ವಣ್ಣೋ ಚ ಮೇ ಸಬ್ಬದಿಸಾ ಪಭಾಸತೀ’’ತಿ.

೪. ಫಲುತ್ತಮದಾಯಿಕಾವಿಮಾನವತ್ಥು (೩)

೩೫೩. ‘‘ಅಭಿಕ್ಕನ್ತೇನ ವಣ್ಣೇನ…ಪೇ… ಓಸಧೀ ವಿಯ ತಾರಕಾ.

೩೫೪. ‘‘ಕೇನ ತೇತಾದಿಸೋ ವಣ್ಣೋ…ಪೇ… ಯೇ ಕೇಚಿ ಮನಸೋ ಪಿಯಾ.

೩೫೫. ‘‘ಪುಚ್ಛಾಮಿ ತಂ ದೇವಿ ಮಹಾನುಭಾವೇ…ಪೇ…

ವಣ್ಣೋ ಚ ತೇ ಸಬ್ಬದಿಸಾ ಪಭಾಸತೀ’’ತಿ.

೩೫೬. ಸಾ ದೇವತಾ ಅತ್ತಮನಾ…ಪೇ… ಯಸ್ಸ ಕಮ್ಮಸ್ಸಿದಂ ಫಲಂ.

೩೫೭. ‘‘ಫಲುತ್ತಮದಾಯಿಕಾ ನಾರೀ, ಪವರಾ ಹೋತಿ ನರೇಸು ನಾರೀಸು;

ಏವಂ ಪಿಯರೂಪದಾಯಿಕಾ ಮನಾಪಂ, ದಿಬ್ಬಂ ಸಾ ಲಭತೇ ಉಪೇಚ್ಚ ಠಾನಂ.

೩೫೮. ‘‘ತಸ್ಸಾ ಮೇ ಪಸ್ಸ ವಿಮಾನಂ, ಅಚ್ಛರಾ ಕಾಮವಣ್ಣಿನೀಹಮಸ್ಮಿ;

ಅಚ್ಛರಾಸಹಸ್ಸಸ್ಸಾಹಂ, ಪವರಾ ಪಸ್ಸ ಪುಞ್ಞಾನಂ ವಿಪಾಕಂ.

೩೫೯. ‘‘ತೇನ ಮೇತಾದಿಸೋ ವಣ್ಣೋ…ಪೇ… ವಣ್ಣೋ ಚ ಮೇ ಸಬ್ಬದಿಸಾ ಪಭಾಸತೀ’’ತಿ.

೫. ರಸುತ್ತಮದಾಯಿಕಾವಿಮಾನವತ್ಥು (೪)

೩೬೧. ‘‘ಅಭಿಕ್ಕನ್ತೇನ ವಣ್ಣೇನ…ಪೇ… ಓಸಧೀ ವಿಯ ತಾರಕಾ.

೩೬೨. ‘‘ಕೇನ ತೇತಾದಿಸೋ ವಣ್ಣೋ…ಪೇ… ಯೇ ಕೇಚಿ ಮನಸೋ ಪಿಯಾ.

೩೬೩. ‘‘ಪುಚ್ಛಾಮಿ ತಂ ದೇವಿ ಮಹಾನುಭಾವೇ…ಪೇ…

ವಣ್ಣೋ ಚ ತೇ ಸಬ್ಬದಿಸಾ ಪಭಾಸತೀ’’ತಿ.

೩೬೪. ಸಾ ದೇವತಾ ಅತ್ತಮನಾ…ಪೇ… ಯಸ್ಸ ಕಮ್ಮಸ್ಸಿದಂ ಫಲಂ.

೩೬೫. ‘‘ರಸುತ್ತಮದಾಯಿಕಾ ನಾರೀ, ಪವರಾ ಹೋತಿ ನರೇಸು ನಾರೀಸು;

ಏವಂ ಪಿಯರೂಪದಾಯಿಕಾ ಮನಾಪಂ, ದಿಬ್ಬಂ ಸಾ ಲಭತೇ ಉಪೇಚ್ಚ ಠಾನಂ.

೩೬೬. ‘‘ತಸ್ಸಾ ಮೇ ಪಸ್ಸ ವಿಮಾನಂ, ಅಚ್ಛರಾ ಕಾಮವಣ್ಣಿನೀಹಮಸ್ಮಿ;

ಅಚ್ಛರಾಸಹಸ್ಸಸ್ಸಾಹಂ, ಪವರಾ ಪಸ್ಸ ಪುಞ್ಞಾನಂ ವಿಪಾಕಂ.

೩೬೭. ‘‘ತೇನ ಮೇತಾದಿಸೋ ವಣ್ಣೋ…ಪೇ…

ವಣ್ಣೋ ಚ ಮೇ ಸಬ್ಬದಿಸಾ ಪಭಾಸತೀ’’ತಿ.

೬. ಗನ್ಧಪಞ್ಚಙ್ಗುಲಿಕದಾಯಿಕಾವಿಮಾನವತ್ಥು

೩೬೯. ‘‘ಅಭಿಕ್ಕನ್ತೇನ ವಣ್ಣೇನ…ಪೇ… ಓಸಧೀ ವಿಯ ತಾರಕಾ.

೩೭೦. ‘‘ಕೇನ ತೇತಾದಿಸೋ ವಣ್ಣೋ…ಪೇ…

ವಣ್ಣೋ ಚ ತೇ ಸಬ್ಬದಿಸಾ ಪಭಾಸತೀ’’ತಿ.

೩೭೨. ಸಾ ದೇವತಾ ಅತ್ತಮನಾ…ಪೇ… ಯಸ್ಸ ಕಮ್ಮಸ್ಸಿದಂ ಫಲಂ.

೩೭೩. ‘‘ಗನ್ಧಪಞ್ಚಙ್ಗುಲಿಕಂ ಅಹಮದಾಸಿಂ, ಕಸ್ಸಪಸ್ಸ ಭಗವತೋ ಥೂಪಮ್ಹಿ;

ಏವಂ ಪಿಯರೂಪದಾಯಿಕಾ ಮನಾಪಂ, ದಿಬ್ಬಂ ಸಾ ಲಭತೇ ಉಪೇಚ್ಚ ಠಾನಂ.

೩೭೪. ‘‘ತಸ್ಸಾ ಮೇ ಪಸ್ಸ ವಿಮಾನಂ, ಅಚ್ಛರಾ ಕಾಮವಣ್ಣಿನೀಹಮಸ್ಮಿ;

ಅಚ್ಛರಾಸಹಸ್ಸಸ್ಸಾಹಂ, ಪವರಾ ಪಸ್ಸ ಪುಞ್ಞಾನಂ ವಿಪಾಕಂ.

೩೭೫. ‘‘ತೇನ ಮೇತಾದಿಸೋ ವಣ್ಣೋ…ಪೇ… ವಣ್ಣೋ ಚ ಮೇ ಸಬ್ಬದಿಸಾ ಪಭಾಸತೀ’’ತಿ.

(ಅನನ್ತರಂ ಚತುರವಿಮಾನಂ ಯಥಾ ಗನ್ಧಪಞ್ಚಙ್ಗುಲಿಕದಾಯಿಕಾವಿಮಾನಂ ತಥಾ ವಿತ್ಥಾರೇತಬ್ಬಂ [( ) ನತ್ಥಿ ಸೀ. ಪೋತ್ಥಕೇ] )

೭. ಏಕೂಪೋಸಥವಿಮಾನವತ್ಥು (೧)

೩೭೭. ‘‘ಅಭಿಕ್ಕನ್ತೇನ ವಣ್ಣೇನ…ಪೇ…ವಣ್ಣೋ ಚ ತೇ ಸಬ್ಬದಿಸಾ ಪಭಾಸತೀ’’ತಿ.

೩೮೦. ಸಾ ದೇವತಾ ಅತ್ತಮನಾ…ಪೇ…ಯಸ್ಸ ಕಮ್ಮಸ್ಸಿದಂ ಫಲಂ.

೩೮೧. ‘‘ಭಿಕ್ಖೂ ಚ ಅಹಂ ಭಿಕ್ಖುನಿಯೋ ಚ, ಅದ್ದಸಾಸಿಂ ಪನ್ಥಪಟಿಪನ್ನೇ;

ತೇಸಾಹಂ ಧಮ್ಮಂ ಸುತ್ವಾನ, ಏಕೂಪೋಸಥಂ ಉಪವಸಿಸ್ಸಂ.

೩೮೨. ‘‘ತಸ್ಸಾ ಮೇ ಪಸ್ಸ ವಿಮಾನಂ, ಅಚ್ಛರಾ ಕಾಮವಣ್ಣಿನೀಹಮಸ್ಮಿ;

ಅಚ್ಛರಾಸಹಸ್ಸಸ್ಸಾಹಂ, ಪವರಾ ಪಸ್ಸ ಪುಞ್ಞಾನಂ ವಿಪಾಕಂ.

೩೮೩. ‘‘ತೇನ ಮೇತಾದಿಸೋ ವಣ್ಣೋ…ಪೇ… ವಣ್ಣೋ ಚ ಮೇ ಸಬ್ಬದಿಸಾ ಪಭಾಸತೀ’’ತಿ.

೮. ಉದಕದಾಯಿಕಾವಿಮಾನವತ್ಥು (೨)

೩೮೫. ‘‘ಅಭಿಕ್ಕನ್ತೇನ ವಣ್ಣೇನ…ಪೇ…ವಣ್ಣೋ ಚ ತೇ ಸಬ್ಬದಿಸಾ ಪಭಾಸತೀ’’ತಿ.

೩೮೮. ಸಾ ದೇವತಾ ಅತ್ತಮನಾ…ಪೇ… ಯಸ್ಸ ಕಮ್ಮಸ್ಸಿದಂ ಫಲಂ.

೩೮೯. ‘‘ಉದಕೇ ಠಿತಾ ಉದಕಮದಾಸಿಂ, ಭಿಕ್ಖುನೋ ಚಿತ್ತೇನ ವಿಪ್ಪಸನ್ನೇನ;

ಏವಂ ಪಿಯರೂಪದಾಯಿಕಾ ಮನಾಪಂ, ದಿಬ್ಬಂ ಸಾ ಲಭತೇ ಉಪೇಚ್ಚ ಠಾನಂ.

೩೯೦. ‘‘ತಸ್ಸಾ ಮೇ ಪಸ್ಸ ವಿಮಾನಂ, ಅಚ್ಛರಾ ಕಾಮವಣ್ಣಿನೀಹಮಸ್ಮಿ;

ಅಚ್ಛರಾಸಹಸ್ಸಸ್ಸಾಹಂ, ಪವರಾ ಪಸ್ಸ ಪುಞ್ಞಾನಂ ವಿಪಾಕಂ.

೩೯೧. ‘‘ತೇನ ಮೇತಾದಿಸೋ ವಣ್ಣೋ…ಪೇ… ವಣ್ಣೋ ಚ ಮೇ ಸಬ್ಬದಿಸಾ ಪಭಾಸತೀ’’ತಿ.

೯. ಉಪಟ್ಠಾನವಿಮಾನವತ್ಥು (೩)

೩೯೩. ‘‘ಅಭಿಕ್ಕನ್ತೇನ ವಣ್ಣೇನ…ಪೇ… ವಣ್ಣೋ ಚ ತೇ ಸಬ್ಬದಿಸಾ ಪಭಾಸತೀ’’ತಿ.

೩೯೬. ಸಾ ದೇವತಾ ಅತ್ತಮನಾ…ಪೇ… ಯಸ್ಸ ಕಮ್ಮಸ್ಸಿದಂ ಫಲಂ.

೩೯೭. ‘‘ಸಸ್ಸುಞ್ಚಾಹಂ ಸಸುರಞ್ಚ, ಚಣ್ಡಿಕೇ ಕೋಧನೇ ಚ ಫರುಸೇ ಚ;

ಅನುಸೂಯಿಕಾ ಉಪಟ್ಠಾಸಿಂ [ಸೂಪಟ್ಠಾಸಿಂ (ಸೀ.)], ಅಪ್ಪಮತ್ತಾ ಸಕೇನ ಸೀಲೇನ.

೩೯೮. ‘‘ತಸ್ಸಾ ಮೇ ಪಸ್ಸ ವಿಮಾನಂ, ಅಚ್ಛರಾ ಕಾಮವಣ್ಣಿನೀಹಮಸ್ಮಿ;

ಅಚ್ಛರಾಸಹಸ್ಸಸ್ಸಾಹಂ, ಪವರಾ ಪಸ್ಸ ಪುಞ್ಞಾನಂ ವಿಪಾಕಂ.

೩೯೯. ‘‘ತೇನ ಮೇತಾದಿಸೋ ವಣ್ಣೋ…ಪೇ… ವಣ್ಣೋ ಚ ಮೇ ಸಬ್ಬದಿಸಾ ಪಭಾಸತೀ’’ತಿ.

೧೦. ಅಪರಕಮ್ಮಕಾರಿನೀವಿಮಾನವತ್ಥು (೪)

೪೦೧. ‘‘ಅಭಿಕ್ಕನ್ತೇನ ವಣ್ಣೇನ…ಪೇ… ವಣ್ಣೋ ಚ ತೇ ಸಬ್ಬದಿಸಾ ಪಭಾಸತೀ’’ತಿ.

೪೦೪. ಸಾ ದೇವತಾ ಅತ್ತಮನಾ…ಪೇ… ಯಸ್ಸ ಕಮ್ಮಸ್ಸಿದಂ ಫಲಂ.

೪೦೫. ‘‘ಪರಕಮ್ಮಕರೀ [ಪರಕಮ್ಮಕಾರಿನೀ (ಸ್ಯಾ.) ಪರಕಮ್ಮಕಾರೀ (ಪೀ.) ಅಪರಕಮ್ಮಕಾರಿನೀ (ಕ.)] ಆಸಿಂ, ಅತ್ಥೇನಾತನ್ದಿತಾ ದಾಸೀ;

ಅಕ್ಕೋಧನಾನತಿಮಾನಿನೀ [ಅನತಿಮಾನೀ (ಸೀ. ಸ್ಯಾ.)], ಸಂವಿಭಾಗಿನೀ ಸಕಸ್ಸ ಭಾಗಸ್ಸ.

೪೦೬. ‘‘ತಸ್ಸಾ ಮೇ ಪಸ್ಸ ವಿಮಾನಂ, ಅಚ್ಛರಾ ಕಾಮವಣ್ಣಿನೀಹಮಸ್ಮಿ;

ಅಚ್ಛರಾಸಹಸ್ಸಸ್ಸಾಹಂ, ಪವರಾ ಪಸ್ಸ ಪುಞ್ಞಾನಂ ವಿಪಾಕಂ.

೪೦೭. ‘‘ತೇನ ಮೇತಾದಿಸೋ ವಣ್ಣೋ…ಪೇ…ವಣ್ಣೋ ಚ ಮೇ ಸಬ್ಬದಿಸಾ ಪಭಾಸತೀ’’ತಿ.

೧೧. ಖೀರೋದನದಾಯಿಕಾವಿಮಾನವತ್ಥು

೪೦೯. ‘‘ಅಭಿಕ್ಕನ್ತೇನ ವಣ್ಣೇನ…ಪೇ… ಓಸಧೀ ವಿಯ ತಾರಕಾ.

೪೧೦. ‘‘ಕೇನ ತೇತಾದಿಸೋ ವಣ್ಣೋ…ಪೇ…ವಣ್ಣೋ ಚ ತೇ ಸಬ್ಬದಿಸಾ ಪಭಾಸತೀ’’ತಿ.

೪೧೨. ಸಾ ದೇವತಾ ಅತ್ತಮನಾ…ಪೇ… ಯಸ್ಸ ಕಮ್ಮಸ್ಸಿದಂ ಫಲಂ.

೪೧೩. ‘‘ಖೀರೋದನಂ ಅಹಮದಾಸಿಂ, ಭಿಕ್ಖುನೋ ಪಿಣ್ಡಾಯ ಚರನ್ತಸ್ಸ;

ಏವಂ ಕರಿತ್ವಾ ಕಮ್ಮಂ, ಸುಗತಿಂ ಉಪಪಜ್ಜ ಮೋದಾಮಿ.

೪೧೪. ‘‘ತಸ್ಸಾ ಮೇ ಪಸ್ಸ ವಿಮಾನಂ, ಅಚ್ಛರಾ ಕಾಮವಣ್ಣಿನೀಹಮಸ್ಮಿ;

ಅಚ್ಛರಾಸಹಸ್ಸಸ್ಸಾಹಂ, ಪವರಾ ಪಸ್ಸ ಪುಞ್ಞಾನಂ ವಿಪಾಕಂ.

೪೧೫. ‘‘ತೇನ ಮೇತಾದಿಸೋ ವಣ್ಣೋ…ಪೇ…ವಣ್ಣೋ ಚ ಮೇ ಸಬ್ಬದಿಸಾ ಪಭಾಸತೀ’’ತಿ.

(ಅನನ್ತರಂ ಪಞ್ಚವೀಸತಿವಿಮಾನಂ ಯಥಾ ಖೀರೋದನದಾಯಿಕಾವಿಮಾನಂ ತಥಾ ವಿತ್ಥಾರೇತಬ್ಬಂ) [( ) ನತ್ಥಿ ಸೀ. ಪೋತ್ಥಕೇ]

೧೨. ಫಾಣಿತದಾಯಿಕಾವಿಮಾನವತ್ಥು (೧)

೪೧೭. ‘‘ಅಭಿಕ್ಕನ್ತೇನ ವಣ್ಣೇನ…ಪೇ… ಸಬ್ಬದಿಸಾ ಪಭಾಸತೀ’’ತಿ.

೪೨೦. ಸಾ ದೇವತಾ ಅತ್ತಮನಾ…ಪೇ… ಯಸ್ಸ ಕಮ್ಮಸ್ಸಿದಂ ಫಲಂ.

೪೨೧. ‘‘ಫಾಣಿತಂ ಅಹಮದಾಸಿಂ, ಭಿಕ್ಖುನೋ ಪಿಣ್ಡಾಯ ಚರನ್ತಸ್ಸ…ಪೇ…’’.

೧೩. ಉಚ್ಛುಖಣ್ಡಿಕದಾಯಿಕಾವತ್ಥು (೨)

೪೨೯. ಉಚ್ಛುಖಣ್ಡಿಕಂ ಅಹಮದಾಸಿಂ, ಭಿಕ್ಖುನೋ ಪಿಣ್ಡಾಯ ಚರನ್ತಸ್ಸ…ಪೇ….

೧೪. ತಿಮ್ಬರುಸಕದಾಯಿಕಾವಿಮಾನವತ್ಥು (೩)

೪೩೭. ತಿಮ್ಬರುಸಕಂ ಅಹಮದಾಸಿಂ, ಭಿಕ್ಖುನೋ ಪಿಣ್ಡಾಯ ಚರನ್ತಸ್ಸ…ಪೇ….

೧೫. ಕಕ್ಕಾರಿಕದಾಯಿಕಾವಿಮಾನವತ್ಥು (೪)

೪೪೫. ಕಕ್ಕಾರಿಕಂ ಅಹಮದಾಸಿಂ, ಭಿಕ್ಖುನೋ ಪಿಣ್ಡಾಯ ಚರನ್ತಸ್ಸ…ಪೇ….

೧೬. ಏಳಾಲುಕದಾಯಿಕಾವಿಮಾನವತ್ಥು (೫)

೪೫೩. ಏಳಾಲುಕಂ ಅಹಮದಾಸಿಂ, ಭಿಕ್ಖುನೋ ಪಿಣ್ಡಾಯ ಚರನ್ತಸ್ಸ…ಪೇ….

೧೭. ವಲ್ಲಿಫಲದಾಯಿಕಾವಿಮಾನವತ್ಥು(೬)

೪೬೧. ವಲ್ಲಿಫಲಂ ಅಹಮದಾಸಿಂ, ಭಿಕ್ಖುನೋ ಪಿಣ್ಡಾಯ ಚರನ್ತಸ್ಸ…ಪೇ….

೧೮. ಫಾರುಸಕದಾಯಿಕಾವಿಮಾನವತ್ಥು (೭)

೪೬೯. ಫಾರುಸಕಂ ಅಹಮದಾಸಿಂ, ಭಿಕ್ಖುನೋ ಪಿಣ್ಡಾಯ ಚರನ್ತಸ್ಸ…ಪೇ….

೧೯. ಹತ್ಥಪ್ಪತಾಪಕದಾಯಿಕಾವಿಮಾನವತ್ಥು (೮)

೪೭೭. ಹತ್ಥಪ್ಪತಾಪಕಂ ಅಹಮದಾಸಿಂ, ಭಿಕ್ಖುನೋ ಪಿಣ್ಡಾಯ ಚರನ್ತಸ್ಸ…ಪೇ….

೨೦. ಸಾಕಮುಟ್ಠಿದಾಯಿಕಾವಿಮಾನವತ್ಥು (೯)

೪೮೫. ಸಾಕಮುಟ್ಠಿಂ ಅಹಮದಾಸಿಂ, ಭಿಕ್ಖುನೋ ಪನ್ಥಪಟಿಪನ್ನಸ್ಸ…ಪೇ….

೨೧. ಪುಪ್ಫಕಮುಟ್ಠಿದಾಯಿಕಾವಿಮಾನವತ್ಥು (೧೦)

೪೯೩. ಪುಪ್ಫಕಮುಟ್ಠಿಂ ಅಹಮದಾಸಿಂ, ಭಿಕ್ಖುನೋ ಪಿಣ್ಡಾಯ ಚರನ್ತಸ್ಸ…ಪೇ….

೨೨. ಮೂಲಕದಾಯಿಕಾವಿಮಾನವತ್ಥು (೧೧)

೫೦೧. ಮೂಲಕಂ ಅಹಮದಾಸಿಂ, ಭಿಕ್ಖುನೋ ಪಿಣ್ಡಾಯ ಚರನ್ತಸ್ಸ…ಪೇ….

೨೩. ನಿಮ್ಬಮುಟ್ಠಿದಾಯಿಕಾವಿಮಾನವತ್ಥು (೧೨)

೫೦೬. ನಿಮ್ಬಮುಟ್ಠಿಂ ಅಹಮದಾಸಿಂ, ಭಿಕ್ಖುನೋ ಪಿಣ್ಡಾಯ ಚರನ್ತಸ್ಸ…ಪೇ….

೨೪. ಅಮ್ಬಕಞ್ಜಿಕದಾಯಿಕಾವಿಮಾನವತ್ಥು (೧೩)