೧೨. ಧಮ್ಮದಿನ್ನಾಥೇರೀಗಾಥಾ

೧೨. ‘‘ಛನ್ದಜಾತಾ ಅವಸಾಯೀ, ಮನಸಾ ಚ ಫುಟಾ [ಫುಟ್ಠಾ (ಸ್ಯಾ.), ಫುಠಾ (ಸೀ. ಅಟ್ಠ.)] ಸಿಯಾ;

ಕಾಮೇಸು ಅಪ್ಪಟಿಬದ್ಧಚಿತ್ತಾ [ಅಪ್ಪಟಿಬನ್ಧಚಿತ್ತಾ (ಕ.)], ಉದ್ಧಂಸೋತಾತಿ ವುಚ್ಚತೀ’’ತಿ [ಉದ್ಧಂಸೋತಾ ವಿಮುಚ್ಚತೀತಿ (ಸೀ. ಪೀ.)].

… ಧಮ್ಮದಿನ್ನಾ ಥೇರೀ….

೧೩.ವಿಸಾಖಾಥೇರೀಗಾಥಾ

೧೩. ‘‘ಕರೋಥ ಬುದ್ಧಸಾಸನಂ, ಯಂ ಕತ್ವಾ ನಾನುತಪ್ಪತಿ;

ಖಿಪ್ಪಂ ಪಾದಾನಿ ಧೋವಿತ್ವಾ, ಏಕಮನ್ತೇ ನಿಸೀದಥಾ’’ತಿ.

… ವಿಸಾಖಾ ಥೇರೀ….

೧೪.ಸುಮನಾಥೇರೀಗಾಥಾ

೧೪. ‘‘ಧಾತುಯೋ ದುಕ್ಖತೋ ದಿಸ್ವಾ, ಮಾ ಜಾತಿಂ ಪುನರಾಗಮಿ;

ಭವೇ ಛನ್ದಂ ವಿರಾಜೇತ್ವಾ, ಉಪಸನ್ತಾ ಚರಿಸ್ಸಸೀ’’ತಿ.

… ಸುಮನಾ ಥೇರೀ….