೭. ಫಲದಾಯಕತ್ಥೇರಅಪದಾನಂ

೩೯. ‘‘ಪಬ್ಬತೇ ಹಿಮವನ್ತಮ್ಹಿ, ಖರಾಜಿನಧರೋ ಅಹಂ;

ಫುಸ್ಸಂ ಜಿನವರಂ ದಿಸ್ವಾ, ಫಲಹತ್ಥೋ ಫಲಂ ಅದಂ.

೪೦. ‘‘ಯಮಹಂ ಫಲಮದಾಸಿಂ, ವಿಪ್ಪಸನ್ನೇನ ಚೇತಸಾ;

ಭವೇ ನಿಬ್ಬತ್ತಮಾನಮ್ಹಿ, ಫಲಂ ನಿಬ್ಬತ್ತತೇ ಮಮ.

೪೧. ‘‘ದ್ವೇನವುತೇ ಇತೋ ಕಪ್ಪೇ, ಯಂ ಫಲಂ ಅದದಿಂ ಅಹಂ;

ದುಗ್ಗತಿಂ ನಾಭಿಜಾನಾಮಿ, ಫಲದಾನಸ್ಸಿದಂ ಫಲಂ.

೪೨. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಫಲದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಫಲದಾಯಕತ್ಥೇರಸ್ಸಾಪದಾನಂ ಸತ್ತಮಂ.