೬. ಅಮ್ಬಾಟಕಿಯತ್ಥೇರಅಪದಾನಂ

೩೬. ‘‘ಸುಪುಪ್ಫಿತಂ ಸಾಲವನಂ, ಓಗಯ್ಹ ವೇಸ್ಸಭೂ ಮುನಿ;

ನಿಸೀದಿ ಗಿರಿದುಗ್ಗೇಸು, ಅಭಿಜಾತೋವ ಕೇಸರೀ.

೩೭. ‘‘ಪಸನ್ನಚಿತ್ತೋ ಸುಮನೋ, ಅಮ್ಬಾಟಕಮಪೂಜಯಿಂ;

ಪುಞ್ಞಕ್ಖೇತ್ತಂ ಅನುತ್ತರಂ [ಮಹಾವೀರಂ (ಸೀ. ಸ್ಯಾ.)], ಪಸನ್ನೋ ಸೇಹಿ ಪಾಣಿಭಿ.

೩೮. ‘‘ಏಕತಿಂಸೇ ಇತೋ ಕಪ್ಪೇ, ಯಂ ಪುಪ್ಫಮಭಿರೋಪಯಿಂ;

ದುಗ್ಗತಿ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ.

೩೯. ‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ… ವಿಹರಾಮಿ ಅನಾಸವೋ.

೪೦. ‘‘ಸ್ವಾಗತಂ ವತ ಮೇ ಆಸಿ…ಪೇ… ಕತಂ ಬುದ್ಧಸ್ಸ ಸಾಸನಂ.

೪೧. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಅಮ್ಬಾಟಕಿಯೋ ಥೇರೋ ಇಮಾ ಗಾಥಾಯೋ

ಅಭಾಸಿತ್ಥಾತಿ.

ಅಮ್ಬಾಟಕಿಯತ್ಥೇರಸ್ಸಾಪದಾನಂ ಛಟ್ಠಂ.