೮. ಸಳಲಮಣ್ಡಪಿಯತ್ಥೇರಅಪದಾನಂ

೪೪೯. ‘‘ನಿಬ್ಬುತೇ ಕಕುಸನ್ಧಮ್ಹಿ, ಬ್ರಾಹ್ಮಣಮ್ಹಿ ವುಸೀಮತಿ;

ಗಹೇತ್ವಾ ಸಳಲಂ ಮಾಲಂ, ಮಣ್ಡಪಂ ಕಾರಯಿಂ ಅಹಂ.

೪೫೦. ‘‘ತಾವತಿಂಸಗತೋ ಸನ್ತೋ, ಲಭಾಮಿ ಬ್ಯಮ್ಹಮುತ್ತಮಂ;

ಅಞ್ಞೇ ದೇವೇತಿರೋಚಾಮಿ, ಪುಞ್ಞಕಮ್ಮಸ್ಸಿದಂ ಫಲಂ.

೪೫೧. ‘‘ದಿವಾ ವಾ ಯದಿ ವಾ ರತ್ತಿಂ, ಚಙ್ಕಮನ್ತೋ ಠಿತೋ ಚಹಂ;

ಛನ್ನೋ ಸಳಲಪುಪ್ಫೇಹಿ, ಪುಞ್ಞಕಮ್ಮಸ್ಸಿದಂ ಫಲಂ.

೪೫೨. ‘‘ಇಮಸ್ಮಿಂಯೇವ ಕಪ್ಪಮ್ಹಿ, ಯಂ ಬುದ್ಧಮಭಿಪೂಜಯಿಂ;

ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ.

೪೫೩. ‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ… ವಿಹರಾಮಿ ಅನಾಸವೋ.

೪೫೪. ‘‘ಸ್ವಾಗತಂ ವತ ಮೇ ಆಸಿ…ಪೇ… ಕತಂ ಬುದ್ಧಸ್ಸ ಸಾಸನಂ.

೪೫೫. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಸಳಲಮಣ್ಡಪಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಸಳಲಮಣ್ಡಪಿಯತ್ಥೇರಸ್ಸಾಪದಾನಂ ಅಟ್ಠಮಂ.